حیدرآباد، 18 ۔ ستمبر (ہ س)۔حیدرآباد میں گزشتہ اتوار کو ہونے والی موسلا دھار بارش کے دوران افضل ساگر کے علاقے میں دو نوجوان پانی کے تیز ریلے میں بہہ گئے تھے پانچ دن بعد ان میں سے ایک نوجوان کی لاش آج موسی ندی چوٹ اپّل کے قریب برآمد ہوئی ہے۔افراد خاندان نے نعش کی شناخت 25 سالہ ارجن کے طور پر کی ہے لاش انتہائی حد تک گل سڑ چکی تھی پولیس نے نعش کو پوسٹ مارٹم کے لیے مردہ خانہ منتقل کر دیا ہے اتوار کی رات ارجن ایک بہتا ہوا پلنگ پکڑنے کی کوشش کر رہا تھا اسی دوران وہ خود پانی کے تیز بہاؤ میں گر گیا۔اس کا قریبی رشتہ دار رامو بھی ارجن کو بچانے کے لیے آگے بڑھا لیکن وہ بھی پانی کے ریلے میں بہہ گیاحیڈرااور ایس ڈی آر ایف کی ٹیمیں پیر سے ہی دونوں کی تلاش میں مصروف ہیں اب تک ارجن کی نعش تو برآمد ہو گئی ہے لیکن رامو کا کوئی سراغ نہیں مل سکا سرچ آپریشن ابھی بھی جاری ہے۔
ہندوستھان سماچار
ہندوستان سماچار / محمدعبدالخالق
