سرویش کشارے نے تاریخ رقم کی، مردوں کے ہائی جمپ فائنل میں چھٹے نمبر پر رہے

نئی دہلی، 17 ستمبر (ہ س)۔ ہندوستان کے سرویش کشارے نے ٹوکیو میں منعقدہ ورلڈ ایتھلیٹکس چیمپئن شپ 2025 میں مردوں کے ہائی جمپ ایونٹ کے فائنل میں ایک نئی ذاتی بہترین کارکردگی کا مظاہرہ کیا اور مشترکہ چھٹا مقام حاصل کیا۔

کشارے نے اپنی آخری کوشش میں 2.28 میٹر کا فاصلہ طے کیا، جو ان کے کیریئر کا بہترین ہے۔ حالانکہ تمغے کی دوڑ میں برقرار رہنے کے لیے انہیں قومی ریکارڈ (2.29 میٹر) کو توڑتے ہوئے 2.31 میٹر کا فاصلہ طے کرنے کی ضرورت تھی، لیکن تینوں کوششوں میں وہ ایسا کرنے میں ناکام رہے۔ امریکہ کے ٹائس ولسن نے بھی اسی اونچائی پر سیزن کا بہترین ریکارڈ کیا، جس میں کشارے کے ساتھ چھٹے نمبر پر رہے۔

ٹورنامنٹ کا طلائی تمغہ نیوزی لینڈ کے موجودہ اولمپک چیمپئن ہمیش کیر نے 2.36 میٹر کی بہترین چھلانگ لگا کر جیتا۔ جنوبی کوریا کے سانگھیوک وو نے 2.34 میٹر کی چھلانگ لگا کر چاندی کا تمغہ جیتا جبکہ جمہوریہ چیک کے جان اسٹیفیلا نے 2.31 میٹر کی چھلانگ لگا کر کانسے کا تمغہ حاصل کیا۔

کشارے نے کوالیفکیشن راونڈ میں 2.25 میٹر چھلانگ لگا کر تاریخ رقم کی۔ وہ عالمی چیمپئن شپ میں ہائی جمپ کے فائنل میں پہنچنے والے پہلے ہندوستانی مرد کھلاڑی بنے۔

ہندوستھان سماچار

--------------

ہندوستان سماچار / انظر حسن