جموں پولیس نے خاتون منشیات فروش کو گرفتار کیا

جموں، 16 ستمبر (ہ س)۔

جموں و کشمیر میں منشیات کی وباء کے خاتمے کے لیے جاری آپریشن سنجیونی کے تحت جموں پولیس، ساؤتھ زون نے ایک نمایاں کامیابی حاصل کرتے ہوئے ایک خاتون منشیات فروش کو گرفتار کیا اور اس کے قبضے سے قابلِ قدر مقدار میں منشیات، نقد رقم اور الیکٹرانک ویٹنگ اسکیل برآمد کیا ہے۔

پولیس پوسٹ نروال کی ٹیم نے خصوصی خفیہ معلومات کی بنیاد پر کارروائی کرتے ہوئے راجیو نگر سے سنیہا دختر وکاس سکنہ راجیو نگر نروال ضلع جموں کو گرفتار کیا۔ اس کی تلاشی کے دوران 31.27 گرام ہیروئن نما ممنوعہ مادہ، 21,270 نقد رقم اور ایک الیکٹرانک ویٹنگ اسکیل برآمد ہوئے۔

ملزمہ کے خلاف پولیس اسٹیشن باہو فورٹ میں منشیات ایکٹ کی دفعات کے تحت مقدمہ درج کیا گیا ہے۔ اس کے نیٹ ورک اور سپلائی چین کو بے نقاب کرنے کے لیے تفتیش جاری ہے۔

جموں پولیس نے عوام سے اپیل کی ہے کہ وہ منشیات فروشوں کے خلاف اپنا کردار ادا کریں اور کسی بھی مشکوک سرگرمی کی فوری اطلاع دیں تاکہ قانون نافذ کرنے والے ادارے بروقت کارروائی کر سکیں۔ پولیس کا عزم ہے کہ منشیات کی لعنت کے خاتمے تک جنگ جاری رکھی جائے گی۔

ہندوستھان سماچار

ہندوستان سماچار / محمد اصغر