مظفر پور،15ستمبر(ہ س)۔ بہار کے مظفر پور ضلع کے صدر تھانہ علاقے کے تحت بھگوان پور اوور برج کے قریب ٹرین کی زد میں آکر دو خواتین کی موت ہو گئی۔ متوفی دونوں خواتین حقیقی بہنیں تھیں اور بینک میں ملازمت کرتی تھیں۔

ابتدائی تحقیقات میں شبہ ظاہر کیا جا رہا ہے کہ دانا پور-مظفر پور انٹرسٹی ٹرین سے گر کر دونوں بہنوں کی موت ہوئی ہے۔ دونوں متوفی بہنوں کی شناخت شویتا اور شروچی کے طور پر ہوئی ہے۔ بڑی بہن شویتا مظفر پور کے کینرا بینک میں کام کرتی تھی۔

چھوٹی بہن شروچی اسٹیٹ بینک آف انڈیا مظفر پور میں کام کرتی تھی۔ معلومات کے مطابق دونوں بینک پی او کے طور پر کام کر رہی تھی۔

معلومات کے مطابق دونوں بہنیں پٹنہ میں اپنے ماموں کے گھر دانا پور سے مظفر پور ڈیوٹی جوائن کرنے آ رہی تھیں۔ حادثہ بھگوان پور اوور برج کے قریب پیش آیا اور دونوں کی موقع پر ہی موت ہو گئی۔

شویتا کی شادی مدھوبنی ضلع میں ہوئی تھی۔ اس کے شوہر ڈیفنس سروس میں ملازم ہیں۔ بہنوں کی لاشیں ٹریک کے درمیان سے برآمد ہوئیں۔ پولیس نے ان کے پاس موجود موبائل فون سے کال کی تفصیلات نکال کر اہل خانہ کو اطلاع دی جس کے بعد اہل خانہ نے موقع پر پہنچ کر دونوں کی شناخت کی۔

عینی شاہدین کے مطابق جیسے ہی یہ ٹرین جس میں بہنیں پٹنہ سے آ رہی تھیں بھگوان پور اوور برج کے قریب دھیمی ہوئیں تو انہوں نے نیچے اترنے کی کوشش کی۔ اسی دوران دوسری جانب سے تیز رفتاری سے گزرنے والی ٹرین کی زد میں آکر دونوں کی موقع پر ہی موت ہوگئی۔ واقعہ کے بعد مقامی لوگ بڑی تعداد میں موقع پر جمع ہوگئے اور فوری طور پر پولیس کو اطلاع دی۔

اطلاع ملنے پر صدرتھانہ انچارج نے موقع پر پہنچ کر لاش کو قبضے میں لے کر پوسٹ مارٹم کے لیے بھیج دیا۔ پولیس کو جائے وقوعہ سے کینرا بینک کا شناختی کارڈ ملا، جس سے متوفی خواتین کی شناخت میں مدد ملی۔ جانچ میں پتہ چلا کہ دونوں بہنیں اصل میں دہلی کی رہنے والی تھیں، لیکن دانا پور پٹنہ میں کرائے پر رہتی تھیں۔ ان کا آبائی گھر پٹنہ میں ہی ہے۔

ہندوستھان سماچار

ہندوستان سماچار / Mohammad Afzal Hassan