جونپور، 14 ستمبر (ہ س)۔ نامعلوم بدمعاشوں نے ہفتہ کی رات تقریباً 9 بجے اترپردیش کے جونپور کے مونگرا بادشاہ پور تھانہ علاقہ کے بیلوار روڈ پر رام نگر گاوں کے نزدیک اپنے رشتہ داروں کے گھر جا رہے دو موٹر سائیکل سواروں پر فائرنگ شروع کر دی۔ جس کی وجہ سے ایک شخص کی موقع پر ہی موت ہوگئی، جب کہ دوسرے کی علاج کے لیے پریاگ راج لے جاتے ہوئے راستے میں ہی موت ہوگئی۔ پولیس موقع پر پہنچ کر معاملے کی جانچ کر رہی ہے۔
تھانہ علاقہ کے مجھگوا گاوں ساکن شاہجہاں (70) اور بائک پر سوار جہانگیر (65) کسی رشتہ دار کے گھر جارہے تھے۔ جیسے ہی ان کی بائک بیلوار روڈ پر رام نگر گاوں کے قریب پہنچی تو نامعلوم بدمعاشوں نے ان دونوں پر اندھا دھند فائرنگ شروع کر دی۔ فائرنگ کی آواز سن کر آس پاس کے لوگ خوفزدہ ہوگئے۔ اس فائرنگ میں شاہجہاں کی موقع پر ہی موت ہو گئی، جب کہ جہانگیر نے علاج کے لیے پریاگ راج لے جاتے وقت راستے میں ہی دم توڑ دیا۔
اطلاع ملتے ہی مونگرا بادشاہ پور کے انچارج انسپکٹر کے کے سنگھ فورس کے ساتھ موقع پر پہنچے اور معاملے کی جانچ شروع کی۔ اتوار کو اس معاملے میں جانکاری دیتے ہوئے پولیس سپرنٹنڈنٹ ڈاکٹر کوستوبھ نے بتایا کہ مونگرابادشاہ پور پولیس اسٹیشن کے تحت ہفتہ کو گاوں مجھگوا رام نگر کے قریب گھر جا رہے دو بھائیوں پر ایک نامعلوم حملہ آور نے ہتھیار سے فائرنگ کی۔
اطلاع ملتے ہی مقامی پولیس نے موقع پر پہنچ کر زخمیوں کو طبی امداد کے لیے اسپتال پہنچایا۔ جہاں ڈاکٹروں نے انہیں مردہ قرار دے دیا۔ لاش کو پوسٹ مارٹم کے لیے بھیج دیا گیا ہے۔ نامعلوم بدمعاشوں کے خلاف مقدمہ درج کر لیا گیا ہے۔ ایڈیشنل سپرنٹنڈنٹ آف پولیس (دیہی) آتش کمار سنگھ اور سرکل آفیسر کی قیادت میں بدمعاشوں کو پکڑنے کے لیے سات ٹیمیں تشکیل دی گئی ہیں۔ لاش کو پوسٹ مارٹم کے لیے بھیج دیا گیا ہے۔
ہندوستھان سماچار
ہندوستان سماچار / انظر حسن
