نئی دہلی،25اگست(ہ س)۔جامعہ ملیہ اسلامیہ نے اپنی تازہ پیش کش میں تعلیمی سال دوہزار پچیس چھبیس سے جرمن اور جاپانی مطالعات کے ساتھ ساتھ ایڈوانس ڈپلونا ان چائلڈ گائیڈینس اینڈ کونسلنگ میں نئے انڈر گریجویٹ پروگرام لانچ کیا ہے۔ ان تین کورسیز یعنی ایف وائی یو جی پی برائے جرمن مطالعات(سیلف فینانس)،ایف وائی یو جی پی برائے جاپانی مطالعات(سیلف فینانس) اور ایڈوانس ڈپلوما ان چائلڈ گائیڈینس اینڈ کونسلنگ(سیلف فینانس) میں داخلے کے خواہش مند امیدواروں کے لیے آن لائن فارم چھ ستمبر دوہزار پچیس تک دستیاب ہیں۔قومی تعلیمی پالیسی دوہزار بیس(این ای پی دوہزار بیس) سے ہم آہنگ دو نئے چار سالہ سیلف فینانس انڈرگریجویٹ پروگرام۔یعنی بی۔اے(آنرس) ان جرمن اسٹڈیز اور بی۔اے(آنرس) ان جاپانیس اسٹڈیززبان کی روایتی تدریس سے ماورا بین علومی نصابی تدریس کے خاکے ہیں۔مذکورہ کورسیز میں زبان کی اہلیت و مہارت ثقافتی مطالعات،ترجمہ،ترجمانی اور صنعت رخی اطلاقات سے مربوط ہوگی جس کا مقصد طلبہ کو آج کی مربوط دنیا میں مہارت اور عالمی نقطہ ءنظر سے آراستہ کرنا ہے۔

ریہیبلیٹیشن کونسل آف انڈیا (آر سی آئی)سے منظور شدہ کورس ’ایڈوانسڈ ڈپلوما ان چائلڈ گائیڈینس اینڈ کونسلنگ‘ بطور آرسی آئی کونسلر بہترین کیریئر کے مواقع فراہم کرے گا۔مختلف شعبوں میں اس منظور شدہ سند کی اہمیت اور قدر ومنزلت ہے جس سے یہ کورس کرنے والے تعلیمی اداروں، ہیلتھ کیئرسہولیات،اسپتالوں، مطب،حکومتی اداروں،قومی و بین الاقوامی غیر سرکاری تنظیموں وغیرہ میں آنے والے کیریئر میں اپنی قسمت آزما سکتے ہیں۔شیخ الجامعہ پروفیسر مظہر آصف اور پروفیسر محمد مہتاب عالم رضوی، مسجل جامعہ ملیہ اسلامیہ نے کہاکہ نئے کورسیز کو متعارف کرانے کا مقصد جہاں ایک طرف بیرونی زبانوں کی تعلیم میں جامعہ کے افق کو مزید وسیع کرنا ہے وہیں دوسری جانب بچوں کی نگہ داشت اور کونسلنگ کے اہم شعبے میں نئی راہیں پیدا کرنا اور بامعنی پہل کرنا بھی ہے۔ان مستقبل بیں اور مقبول عام کورسیز کو متعارف کراکے جامعہ ملیہ اسلامیہ نے ایک مرتبہ پھر عالمی لحاظ سے بامعنی اور صنعت رخی پروگراموں کے تئیں اپنے عہد کا اظہار کیاہے۔یونیورسٹی کو پختہ یقین ہے کہ ان اقدامات سے نہ صرف جامعہ کا تعلیمی افق مزید وسیع ہوگا بلکہ یوروپ اور جاپان کے ساتھ بھارت کے تہذیبی و پیشہ ورانہ فاصلوں میں کمی بھی آئے گی۔مزید برآں جامعہ نے بچوں کی نگہ داشت اور ان کی کونسلنگ سے متعلق موزوں شعبوں میں جو سند یافتہ کونسلر کو تربیت دی ہے وہ اہل ماہرین کے منتخب گروپ میں شامل ہوسکتے ہیں اور ملک بھر میں کیریئر کے بہترین امکانات کے ساتھ بچوں کی زندگیوں میں حقیقی فرق لانے والے بنیں گے۔ ان تینوں کورسیز کے داخلہ ٹسٹ کی تاریخ چودہ ستمبر دوہزار پچیس ہے۔

ہندوستھان سماچار

ہندوستان سماچار / Mohammad Khan