صدر اسپتالوں میں تمام تر سہولیات مہیا ہوں تاکہ مریض کو ریفر کیے جانے کی نوبت نہ آئے: ہریندر ملکمظفرنگر، 25اگست(ہ س)۔

آل انڈیا یونانی طبی کانگریس کا 131 واں مفت یونانی میڈیکل کیمپ سوشل ایکٹیوسٹ ایڈووکیٹ شاہ جبیں قاضی کی سربراہی میں خیرا±مت اسلامک فاﺅنڈیشن کے اشتراک سے مدرسہ دارالعلوم حسینیہ، تاولی، ضلع مظفرنگر میں منعقد ہوا۔ یہاں امراض معدہ، جگر، جوڑوں کا درد اور موسمی بخار کے مریضوں کی زیادہ تعداد پائی گئی۔ کیمپ میں عام بیماریوں کے علاوہ آنکھوں اور دانتوں کی بھی جانچ کی گئی اور مفت میں دوائیں فراہم کی گئیں۔ کیمپ میں تقریباً 500 مریضوں نے استفادہ کیا۔

اس موقع پر ممبر پارلیمنٹ لوک سبھا جناب ہریندر ملک نے اظہار خیال کرتے ہوئے کہا کہ ہماری کوشش ہے کہ لوگوں کو صحت کے تئیں بیدار کیا جائے اور حکومت کی سطح پر ملنے والی سہولیات کا فائدہ ہر فرد کو ملے۔ انہوں نے کہا کہ میری یہ بھی کوشش ہے کہ کم از کم ضلع سطح پر موجود صدر اسپتالوں میں وہ تمام تر سہولیات میسر ہوں تاکہ یہاں سے ریفر کرنے کی زحمت نہ آئے۔ انہوں نے یہ بھی کہا کہ ہر پرائمری ہیلتھ سنٹر پر مکمل اسٹاف اور دوا کے ساتھ 24 گھنٹہ کی خدمات کو یقینی بنایا جائے۔ انہوں نے اس امر پر خوشی کا اظہار کیا کہ ا?ل انڈیا یونانی طبی کانگریس نے محض پانچ سال میں 131 مفت یونانی میگا میڈیکل کیمپ لگائے اور اس کا دائرہ بھی بہت وسیع رہا۔ مندر مسجد، گرودوارہ اور چرچ کو ہدف بناکر عوام کے درمیان خدمت کے جذبہ سے کام کیا اور ہزاروں انسانوں کو فائدہ پہنچایا۔دہلی سے ڈاکٹر سیّد احمد خاں، پروفیسر ایس ایم عارف زیدی، معروف لیڈر عبدالباسط، ڈاکٹر الیاس مظہر حسین، ڈاکٹر الطاف احمد، حکیم محمد مرتضیٰ دہلوی کے علاوہ مظفر نگر و اطراف سے ڈاکٹر محمد دانش، ڈاکٹر سیّدبلال، ڈاکٹر مرزا ا?صف بیگ، ڈاکٹر سیّد یاسر کیرانوی، مسلم جاٹ لیڈر ساجد چودھری، ا?شو چودھری اور امان چودھری، حکیم مزمل حسین قادری، ڈاکٹر انوار، ڈاکٹر سلطان نواب اور زینت چودھری وغیرہ شامل ہوئیں۔

کیمپ کے اختتام پر مدرسہ دارالعلوم حسینیہ سے وابستہ مفتی عبدالصمد نے تمام رضاکاروں خاص طور سے جناب ہریندر ملک (ایم پی) اور ڈاکٹر وں اور علاقہ کے لیڈران کا شکریہ ادا کیا۔ اس موقع پر حکومت اترپردیش سے تاولی میں یونانی ڈسپنسری کھولنے کا مطالبہ بھی کیا گیا تاکہ عوام طب یونانی سے مستقل استفادہ کرتے رہیں۔

ہندوستھان سماچار

ہندوستان سماچار / Mohammad Khan