نئی دہلی، 20 اگست (ہ س)۔ ریلائنس ریٹیل کے چیئرمین روی گاندھی نے بدھ کو کہا کہ جدید منظم خوردہ شعبے کی تیزی سے ترقی کے ساتھ اس شعبے میں ریگولیٹری اصلاحات کی ضرورت ہے۔ یہ اسٹور پر مبنی لائسنسنگ سے یونٹ پر مبنی مربوط لائسنسنگ کی طرف بڑھ رہا ہے۔

وہ آج ایک ہوٹل میں صنعتی ادارے فیڈریشن آف انڈین چیمبرز آف کامرس اینڈ انڈسٹری (فکی) کے زیر اہتمام منعقدہ’ماسمیرائز2025‘ تقریب سے خطاب کر رہے تھے۔ خوردہ ، ایف ایم سی جی اور ای-کامرس سے متعلق کانفرنس کا مرکزی تھیم’میک ان انڈیا: ایف ایم سی جی، ریٹیل اور ای کامرس کے مستقبل کو بااختیار بنانا‘ تھا۔

انہوں نے کہا کہ اسٹور کھولنے میں تیزی لانے کے لیے پری لائسنس انسپیکشن کی جگہپوسٹ لائسنس انسپکشن کی طرف جانے کی بھی ضرورت ہے۔ انہوں نے زور دیا کہ یہ تبدیلی منظم خوردہ فروشوں کے لیے کاروبار کرنے میں آسانی کو نمایاں طور پر بہتر کرے گی۔ روی گاندھی نے کہا کہ آج ملک میں تمام قوانین (خوردہ شعبے سے متعلق) انفرادی دکانوں کے لیے بنائے گئے ہیں۔ تمام لائسنس انفرادی اسٹور پر مبنی ہیں۔

ہندوستھان سماچار

ہندوستان سماچار / محمد شہزاد