نئی دہلی، 12 اگست (ہ س)۔ کلام کو سلام مہم کے تحت، بی جے پی اقلیتی مورچہنے بین الاقوامی یوم نوجوانان- 2025 کے موقع پر منتخب اقلیتی نوجوان کاروباریوں کو”ڈاکٹر کلام اسٹارٹ اپ یوتھ ایوارڈ 2.0“ سے نوازا۔ منگل کو بی جے پی کے توسیعی دفتر میں منعقدہ ایک پروگرام میں بی جے پی اقلیتی مورچہ کے قومی صدر جمال صدیقی نے کہا کہ کلام صاحب کی 10ویں برسی کے موقع پر مورچہ کی طرف سے چلائی جا رہی مہم ”کلام کو سلام“ کے تحت اقلیتی نوجوان کاروباریوں کو’ڈاکٹر کلام اسٹارٹ اپ یوتھ ایوارڈ 2.0“ فراہم کئے گئے۔16 جولائی سے سوشل میڈیا کے ذریعہ6 اگست تک ملک بھر سے 22300 اقلیتی نوجوانوں نے ایوارڈ کے لیے نامزدگیاں کیں، جس کے لیے قومی سطح کو 7 زونز میں تقسیم کیا گیا۔ ہر زون میں 3 افراد کا انتخاب کیا گیا جنہیں ایوارڈ دیا گیا، جبکہ 3 نوجوانوں کو قومی سطح پر منتخب کیا گیا۔قومی سطح کو 7 زونز میں تقسیم کیا گیا تھا۔ ہر زون میں 3 افراد کا انتخاب کیا گیا جنہیں ایوارڈ دیا جائے گا، جبکہ 3 نوجوانوں کو قومی سطح پر منتخب کیا گیا۔ اس طرح ملک بھر سے 24 افراد کو ایوارڈز دیئے گئے ہیں۔
انہوں نے میڈیا کو بتایا کہ 2024 میں کلام صاحب کی 9ویں برسی کے موقع پر وزیر اعظم نریندر مودی اور قومی صدر جے پی نڈا کی ہدایات کے مطابق کلام کو سلام مہم کے تحت اقلیتی محاذ نے اقلیتی نوجوانوں کو ڈاکٹر کلام اسٹارٹ اپ یوتھ ایوارڈ دینے کا اعلان کیا تھا۔
وزیر اعظم نریندر مودی نے اسٹارٹ اپس کو فروغ دیا۔ اسٹارٹ اپ انڈیا اسکیم مودی حکومت کی ایک پہل ہے جس کا مقصد ملک میں اسٹارٹ اپس اور نئے آئیڈیاز کے لیے ایک مضبوط ماحولیاتی نظام بنانا ہے۔ اس کا مقصد معاشی ترقی کو فروغ دینا اور بڑے پیمانے پر روزگار کے مواقع پیدا کرنا ہے۔ مودی حکومت نے ایک کروڑ لوگوں کو روزگار دینے کی کوشش کی۔ اسی سوچ کے تحت اقلیتی مورچہ قومی سطح پر اقلیتی نوجوانوں کی صلاحیتوں کو اجاگر کرنے کے لیے بھی کام کر رہا ہے۔
قومی سطح پر شجاعت حیدر جعفری (اتر پردیش)، محمد شوکت (تلنگانہ)، سیم پی فلپ، جبکہ زون کی سطح پر ارشاد (اتر پردیش)، کرن گرودیتا (ہریانہ)، سید نائب (اتر پردیش)، اویس صدیقی (دہلی)، ابو سفیان (دہلی)، سرور حسین (جموں و کشمیر)، اننت وجے لاکڑہ (جھارکھنڈ)، نگینہ (مدھیہ پردیش)، محمد عمران خان (چھتیس گڑھ)، راما ارون شیجاولے( مہاراشٹر)، سہیل بیگ (راجستھان)، ایلوری سریدھر (گجرات)، اشون پال (کیرالا)، اسما ایم (کرناٹک)، تبسم (تلنگانہ)، بیبوتو ایلی (مغربی بنگال)، تنویر اختر خان (بہار)، سندیپ جین (آسام)، شفیق الاسلام (تریپورہ)، موگاتو سومی (ناگالینڈ کو ایوارڈ سے نوازا گیا۔
اس موقع پر نیشنل کو آرگنائزیشن کے جنرل سکریٹری شیو پرکاش، اقلیتی مورچہ کے قومی جنرل سکریٹری اور انچارج دشینت گوتم، قومی نائب صدر عبداللہ کوٹی، مورچہ کے قومی صدر جمال صدیقی، مرکزی وزیر مملکت برائے اقلیتی امور جارج کورین، اتر پردیش کے وزیر مملکت برائے اقلیتی امور دانش آزاد انصاری، اتراکھنڈ وقف بورڈ کے چیئرمین دانش آزاد انصاری،اتراکھنڈ وقف بورڈ کے چیئر مین شاداب شمس، چھتیس گڑھ وقف بورڈ کے چیئرمین ڈاکٹر سلیم راج، تمام ریاستوں کے اقلیتی مورچہ کے صدور، ملک بھر سے پارٹی لیڈران اور کارکنان کی بڑی تعداد موجود تھی۔تقریب کی نظامت ایس ایم اکرم نے کی۔
ہندوستھان سماچار
ہندوستان سماچار / محمد شہزاد
