امرناتھ یاترا مرمتی کاموں کی وجہ سے 3 اگست تک معطل

سرینگر یکم اگست( ہ س)۔یاتریوں کی حفاظت کے پیش نظر سالانہ امرناتھ یاترا جمعہ کو 3 اگست تک ملتوی کر دی گئی کیونکہ شدید بارش کے بعد یاترا کے جڑواں راستوں پر فوری مرمت اور دیکھ بھال کے کام کئے جا رہے ہیں۔ انہوں نے بتایا کہ جمعہ کی صبح یاترا پہلگام کے راستے سے معطل رہی اور یاتریوں کے کسی نئے قافلے کو گھپا تک جانے کی اجازت نہیں دی گئی، یاترا کو بالتل کے راستے سے جانے کی اجازت دی گئی۔ تاہم، بھاری بارش کی وجہ سے، یاترا کو بعد میں بالتل روٹ سے بھی روک دیا گیا۔جموں کے بگوتی نگر بیس کیمپ سے یاتریوں کی آمد و رفت مسلسل دوسرے دن بھی معطل رہی۔ کشمیر کے ڈویژنل کمشنر وجے کمار بیدھوری نے کہا کہ حالیہ شدید بارشوں کی وجہ سے شری امرناتھ جی یاترا روٹ کے بالتل ایکسس پر مرمت اور دیکھ بھال کے کام کرنے کی ضرورت ہے۔یاتریوں کی حفاظت کے مفاد میں بالتل روٹ سے بھی 3 اگست کو کسی یاترا کی اجازت نہیں دی جائے گی۔ انہوں نے کہا کہ وقت آنے پر مزید اپ ڈیٹس جاری کی جائیں گی۔ بھیدوری نے کہا کہ پہلگام اور بالتل دونوں راستوں پر یاترا کے علاقے میں حالیہ شدید بارشیں ہوئی ہیں، اور اس لیے اس بھاری بارش کے بعد بالتل ایکسس پر فوری نوعیت کے دیکھ بھال کے کام انجام دینے کی ضرورت ہے۔ کشمیر میں موسلادھار بارش نے سڑکوں کو غیر محفوظ بنا دیا تھا، جس کے بعد بالتل اور پہلگام دونوں راستوں پر یاترا کو معطل کر دیا گیا تھا۔ ڈویژنل کمشنر نے مزید کہا کہ یاترا کے پہلگام روٹ پر ضروری مرمت اور دیکھ بھال کے کام پہلے ہی کئے جا رہے ہیں۔ انہوں نے کہا کہ اس سال اب تک 4.05 لاکھ سے زیادہ یاتریوں نے گھپا کے درشن کۓ ہیں۔جبکہ پچھلے سال، 5.10 لاکھ سے زیادہ یاتریوں نے درشن کۓ ہیں۔ہندوستھان سماچار

ہندوستان سماچار / Aftab Ahmad Mir