ہگلی، 03 اگست (ہ س)۔

اترپاڑہ پولیس اسٹیشن کے تحت کنائی پور میں ترنمول لیڈر کے قتل کے الزام میں پولیس نے بدنام زمانہ گینگسٹر بگا کو بانکوڑہ کے سونمکھی علاقے سے گرفتار کیا ہے۔ پولیس کو شبہ ہے کہ پنٹو چکرورتی کا قتل اس گینگسٹر کے ساتھ زمینی تنازعہ کی وجہ سے ہوا ہے۔ بگا کی گرفتاری کے ساتھ ہی اس معاملے میں گرفتار ہونے والوں کی تعداد چار ہو گئی ہے۔

پولیس ذرائع کے مطابق علاقے میں ایک زمین کی فروخت کو لے کر پنچایت میں اختلاف تھا۔ باقی لوگوں نے اتفاق کیا تھا، لیکن ترنمول لیڈر نے اس کی مخالفت کی تھی۔ اس لیے ترنمول لیڈر کو ٹھیکہ دے کر قتل کر دیا گیا۔

پولیس نے ہفتہ کو ایک پریس کانفرنس میں بتایا کہ اس معاملے میں بسوناتھ داس عرف بیشا، دیپک منڈل اور بسو جیت پرمانک کو گرفتار کیا گیا ہے۔ ان لوگوں سے پوچھ گچھ کے بعد پتہ چلا کہ بیشا نے 3 لاکھ روپے کے ٹھیکے پر دو کرائے کے قاتلوں کو بلایا اور ترنمول لیڈر کا قتل کرایا۔

ہندوستھان سماچار

ہندوستان سماچار / عطاءاللہ