کٹیہار، یکم اگست (ہ س)۔ضلع کے منیہاری ڈویژن کے دھوریہی کے وارڈ نمبر 3، 4، 5 اور 6 میں گنگا ندی کا کٹاؤ شروع ہوگیا ہے۔ فلڈ کنٹرول ڈویژن کڑا گولہ کے ایگزیکٹو انجینئر نے کٹاؤ کی جگہوں کا معائنہ کیا اور کٹاؤ کو روکنے کے لیے ہاتھی پاو، بانس، ریت کی بوری وغیرہ استعمال کرنے کی ہدایت کی۔کٹاؤ کی وجہ سے پانچ گھر متاثر ہوئے ہیں اور خاندان اپنی جھونپڑیاں چھوڑ کر اونچی جگہوں پر پناہ لینے کے لیے چلے گئے ہیں۔ زونل افسر منیہاری نے فوری راحت کے طور پر پولی تھین فراہم کی ہیں اور ندی کے کنارے رہنے والے لوگوں کو اونچی اور محفوظ جگہوں پر جانے کا مشورہ دیا ہے۔فلڈ کنٹرول ڈویزن کڑھاگولہ کے ایگزیکٹو انجینئر نے بتایا کہ جولائی کے پہلے ہفتے میں بھی کٹاؤ شروع ہو گیا تھا جسے اینٹی ایروشن کام کر کے کنٹرول کیا گیا۔ لیکن ایک بار پھر ماضی قریب میں گنگا ندی کے پانی کی سطح میں کمی کی وجہ سےندی کا کٹاؤ شروع ہو گیا ہے، اسے روکنے کی کوششیں جاری ہیں۔

ہندوستھان سماچار

ہندوستان سماچار / Mohammad Afzal Hassan