ممبئی، 04 جولائی (ہ س)۔ عوامی شعبے کی بیمہ کمپنی لائف انشورنس کارپوریشن آف انڈیا (ایل آئی سی) نے دو نئی اسکیمیں شروع کی ہیں۔ ان میں سے ایک ایل آئی سی کا نو جیون شری (پلان 912) ہے، جبکہ دوسرا ایل آئی سی کا نو جیون شری سنگل پریمیم (پلان 911) ہے۔

ایل آئی سی کے چیف ایگزیکٹو آفیسر (سی ای او) اورایم ڈی (انچارج) ستپال بھانو نے جمعہ کو یہاں ایل آئی سی کی نئی اسکیموں نو جیون شری اور نو جیون شری سنگل پریمیم کا آغاز کیا۔ یہ دونوں نئی اسکیمیں بچت اور تحفظ کا امتزاج ہیں، خاص طور پر ہمارے لائف سائیکل کی مختلف ضروریات کو پورا کرنے کے لیے کافی کارپس بنانے کے لیے بنائی گئی ہیں۔

ایل آئی سی نے ایک بیان میں کہا کہ ایل آئی سی کے نو جیون شری کا مقصد افراد کی تمام ضروریات کو پورا کرنا ہے ،خاص طور پر نوجوان نسل، جو اپنے خوابوں، مقاصد، ذمہ داریوں کو پورا کرنا چاہتے ہیں اور سیکورٹی بھی فراہم کرنا چاہتے ہیں۔ اسی طرح نو جیون شری سنگل پریمیم پالیسی لائف انشورنس فراہم کرنے کے ساتھ ساتھ فنڈز بھی بنانا ہے۔ایل آئی سی کا کہنا ہے کہ موجودہ ماحول میں جب شرح سود بہت غیر مستحکم ہے، یہ دونوں اسکیمیں پوری پالیسی کی مدت کے دوران ضمانت شدہ اضافی فوائد فراہم کرتی ہیں۔

ہندوستھان سماچار

ہندوستان سماچار / محمد شہزاد