سلی گڑی، 30 جولائی (ہ س)۔ شمالی بنگال میں گزشتہ کچھ دنوں سے مسلسل بارش ہو رہی ہے۔ میدانی علاقوں کے ساتھ ساتھ پہاڑی علاقوں میں بھی موسلادھار بارش ہو رہی ہے۔ اس کی وجہ سے سکم جانے والی قومی شاہراہ-10 پر کئی مقامات پر لینڈ سلائیڈنگ ہوئی ہے۔ سلی گوڑی -سکم سڑک کا رابطہ بدھ سے ایک بار پھر منقطع ہوگیا ہے۔ تارکھولہ میں لینڈ سلائیڈنگ کے باعث سڑک بلاک ہوگئی ہے۔ ممکھولا کے قریب 11 میل اور 12 میل کے درمیان سڑک پر لینڈ سلائیڈنگ بھی ہوئی ہے۔

دریں اثنا شدید بارش کی وجہ سے دریائے تیستا کے پانی کی سطح بلند ہوئی ہے۔ منگل کو تیستا ندی کا پانی نیشنل ہائی وے -10 تک پہنچ گیا، جس کی وجہ سے سڑک گھٹنوں تک بھر گئی۔ دوپہر سے پانی کم ہونا شروع ہو گیا۔ پھر کیچڑ اور مٹی ہٹا کر ٹریفک کو معمول پر لانے کی کوشش کی گئی۔ رات کو پھر بارش ہوئی۔ صبح کے وقت سڑک پر مٹی کا تودہ گر گیا، جس سے عام لوگوں کی مشکلات میں اضافہ ہوا ہے۔

ہندوستھان سماچار

ہندوستان سماچار / محمد شہزاد