منشیات کے ملزم شارق مچھلی کے گھر سمیت غیر قانونی ٹھکانوں پر بلڈوزر چلا

بھوپال، 30 جولائی (ہ س)۔ مدھیہ پردیش کی راجدھانی بھوپال میں انتظامیہ اور پولیس کی مشترکہ ٹیم نے ڈرگ اور مبینہ لو جہاد کے ملزم شارق مچھلی کے غیر قانونی ٹھکانوں پر بڑی کارروائی کرتے ہوئے انہیں زمین بوس کر دیا۔ ملزم مچھلی اور اس کے خاندان نے بھوپال کے اننت پورہ کوکتا میں سرکاری زمین پر فارم ہاوس، گودام، کارخانے، مکانات بنائے تھے، جنہیں ضلع انتظامیہ کی ٹیم نے بلڈوزر چلا کر منہدم کردیا۔

بھوپال پولیس نے کالج طالبات سے متعلق عصمت دری، بلیک میلنگ کے معاملے میں شارق مچھلی کے بھائی شاہور مچھلی اور اس کے بھتیجے یاسین کو گرفتار کیا تھا۔ ان دونوں کی گرفتاری کے بعد یاسین کا چچا شارق مچھلی بھی پولیس کی گرفت میں آگیا۔ پولیس نے ان کی تلاشی لی تو ان کے قبضے سے تین گرام ایم ڈی منشیات اور ایک دیسی ساختہ پستول برآمد ہوا۔ منگل کی دیر رات مہیلا تھانہ میں چچا اور بھتیجے دونوں کے خلاف عصمت دری، دھمکی اور پوکسو ایکٹ کے تحت ایف آئی آر درج کی گئی۔ بدھ کی صبح حضور ایس ڈی ایم ونود سونکیا کی قیادت میں تجاوزات ہٹانے کے لیے دس سے پندرہ جے سی بی موقع پر پہنچی اور ان کی غیر قانونی تعمیر کو ہٹایا گیا۔

دراصل شاہور مچھلی اور اس کے بھتیجے یاسین نے پولیس ریمانڈ میں پوچھ گچھ کے دوران چونکا دینے والے انکشافات کیے ہیں۔ ملزم راجستھان سے بھی منشیات لاتا تھا۔ منشیات سڑک کے راستے لائی جاتی تھیں۔ اس کے بعد بھوپال کے مختلف پبوں اور لاؤنجز میں پرانے اور بھروسہ مند مقررہ گاہکوں کو منشیات پہنچائی جاتی تھیں۔ یاسین کے موبائل سے اس طرح کی ویڈیوز بھی ملے ہیں، جس میں وہ نوجوانوں کو برہنہ کرتے ہوئے اور انہیں بے دردی سے مارتے ہوئے نظر آرہا ہے۔ موبائل میں نوجوان خواتین کی فحش ویڈیوز بھی برآمد ہوئیں۔

پولیس کے مطابق ملزم شاہور نے 2028 میں مدد کے نام پر طالبہ کا جسمانی استحصال کیا تھا۔ طالبہ نے ملزم کے خوف سے رپورٹ درج نہیں کرائی۔ مہیلا تھانہ پولیس کے مطابق 25 سالہ لڑکی بھوپال میں رہتی ہے۔ وہ منگل کی رات مہیلا تھانہ پہنچی۔ اس نے بتایا کہ سال 2018 میں اس کی عمر 17 سال تھی اور پڑھتی تھی۔ اس دوران اس کی ملاقات شاہور مچھلی سے حقہ لاونج میں ہوئی تھی۔ شاہور نے اس سے دوستی کی۔ وہ اس سے مالی مدد کے نام پر بات کرنے لگا۔ اس کا اعتماد جیتنے کے بعد ایک دن وہ اسے پنجابی باغ، اشوکا گارڈن کے ایک فلیٹ میں لے گیا۔ جہاں ملزم نے اس کے ساتھ زیادتی کی۔ طالبہ نے احتجاج کیا تو ملزم نے اس کی فحش ویڈیو بنا لی۔ بعد ازاں اس نے اسے سوشل میڈیا پر وائرل کرنے کی دھمکی دے کر کئی بار اس کی عصمت دری کی۔

شاہور نے نہ صرف طالبہ سے جسمانی تعلقات قائم کئے بلکہ یاسین کے ساتھ بھی جسمانی تعلق بنانے کو کہا اور ڈرایا دھمکایا۔ جس کی وجہ سے متاثرہ شخص خوفزدہ ہو کر خاموش ہوگئی۔ جب چند روز قبل ملزمان شاہور اور یاسین (چچا بھتیجے) کو کرائم برانچ نے ایم ڈی ڈرگز کیس میں گرفتار کیا اورمیڈیا میں خبر آنے کے بعد متاثرہ کو ہمت ملی۔ اس کے بعد وہ تھانے پہنچی اور ملزم کے خلاف رپورٹ درج کروائی۔ آپ کو بتاتے چلیں کہ ملزم شاہور اس وقت جیل میں ہے اور یاسین مچھلی کرائم برانچ کے ریمانڈ پر ہے۔ جہاں اس سے منشیات اور اسلحے کی اسمگلنگ اور اس سے جڑے لوگوں سے پوچھ گچھ کی جارہی ہے۔

وہیں اریرہ ہلز تھانے میں منشیات کے اسمگلر یاسین کے خلاف اسمبلی کی گاڑی پاس کو جعلسازی میں استعمال کرنے پر ایف آئی آر بھی درج کی گئی ہے۔ اریرہ ہلز تھانے کے اے ایس آئی اُمیش مشرا نے بتایا کہ چار املی کا رہنے والا گورو شرما پیشے سے صحافی ہے، اس نے شکایت کی تھی کہ اسمبلی کی رپورٹنگ کے وقت انہیں گاڑی کا پاس فراہم کیا گیا تھا، جسے اس نے 2024 میں منسوخ کر دیا تھا، اس کے بعد بھی اسے منشیات اسمگلر یاسین استعمال کر رہا تھا۔ اس پر پولیس نے یاسین کے خلاف جعلسازی کی دفعات کے تحت ایف آئی آر درج کی ہے۔

ہندوستھان سماچار

---------------

ہندوستان سماچار / انظر حسن