مدھیہ پردیش میں مانسون پھر سے سرگرم، جبل پور سمیت 12 اضلاع میں آج شدید بارش کا الرٹ
۔ بھوپال سمیت کئی اضلاع میں پیر کی دیر رات بارش ہوئی
بھوپال، 22 جولائی (ہ س)۔ مدھیہ پردیش میں وقفے کے بعد ایک بار پھر بارش کا دور شروع ہوگیا ہے۔ نئے سائیکلونک سرکولیشن اور ٹرف لائن کے فعال ہونے کی وجہ سے مانسون نے پھر سے رفتار پکڑ لی ہے۔ پیر کی دیر رات بھوپال سمیت کئی اضلاع میں بارش ہوئی۔ محکمہ موسمیات نے منگل کو جبل پور سمیت 12 اضلاع میں شدید بارش کا الرٹ جاری کیا ہے۔ اگلے 24 گھنٹوں میں یہاں 4.5 انچ تک پانی گر سکتا ہے۔ اس سے پہلے پیر کو اندور سمیت کئی اضلاع میں بارش ہوئی۔ اندور میں سڑکیں پانی میں ڈوب گئیں۔
محکمہ موسمیات کے مطابق سائکلونک سرکولیشن سسٹم کے باعث آئندہ چار روز تک تیز بارش کا سلسلہ جاری رہے گا۔ وہیں مانسون کی ٹرف لائن بھی فعال ہے۔ دوسری جانب 24 جولائی سے خلیج بنگال میں کم دباو کا ایک نیا علاقہ سرگرم ہو رہا ہے، اس کا اثر ریاست میں بھی نظر آئے گا۔ آج منگل کو جبل پور، منڈلا، ڈنڈوری، بالاگھاٹ، سیونی، چھندواڑہ، پانڈھرنا، نرمداپورم، بیتول، ہردا، دیواس اور سیہور میں موسلادھار بارش کا الرٹ ہے۔ 24 گھنٹوں میں یہاں 4 انچ تک بارش کا امکان ہے۔
یہ بات قابل ذکر ہے کہ اس مانسون سیزن میں ریاست میں اوسطاً 20.7 انچ بارش ہوئی ہے۔ کوٹہ تین اضلاع نواڑی، ٹیکم گڑھ اور شیوپور میں مکمل ہو چکا ہے۔ ان اضلاع میں معمول سے 15 فیصد زیادہ پانی گرا ہے۔ وہیں گوالیار سمیت 5 اضلاع بھی بہتر حالت میں ہیں۔ یہاں 80 سے 95 فیصد بارش ہوئی ہے۔ دوسری طرف اندور اور اجین ڈویژن پیچھے ہیں۔ اندور، اجین، شاجاپور، برہان پور اور آگر مالوا میں 10 انچ سے بھی کم پانی گرا ہے۔
پیر کو ریاست کے کئی اضلاع میں موسم میں تبدیلی دیکھی گئی۔ اندور میں شدید بارش کی وجہ سے سڑکیں زیر آب آگئیں۔ تین املی کراسنگ پر جوپیٹر اسپتال کے سامنے کی سروس روڈ بھی زیر آب آگئی جس سے گاڑیوں کی آمدورفت میں مشکلات کا سامنا کرنا پڑا۔ محکمہ موسمیات نے یہاں 19 ملی میٹر یعنی 45 سینٹی میٹر بارش ریکارڈ کی ہے۔ سیونی میں بھی اتنی ہی بارش ہوئی۔ امریا، بالاگھاٹ کے ملاجکھنڈ، کھجوراہو اور منڈلا میں آدھا انچ پانی گر ا۔ ساگر میں بھی ہلکی بارش ہوئی۔ اسی طرح منڈلا، انوپ پور، سیونی، ڈنڈوری، بالاگھاٹ، چھندواڑہ، جبل پور، بیتول، امریا، اجین، ہردا، بڑوانی، رائسین، نرمداپورم، نرسنگھ پور، دموہ، شہڈول، شیوپور، ودیشا، سیہور، مرینا،بھنڈ، گوالیار، سنگرولی وغیرہ جیسے اضلاع میں بھی موسم بدل گیا ہے۔ ریاست میں 24-23 جولائی کو بھی بھاری بارش کا الرٹ ہے۔
ہندوستھان سماچار
---------------
ہندوستان سماچار / انظر حسن
