بنگلورو،9جون(ہ س)۔

کرناٹک کے وزیر اعلیٰ سدارامیا 10 جون کو کانگریس ہائی کمان سے ملاقات کے لیے دہلی جائیں گے، جہاں وہ 4 جون کو بھگدڑ سمیت مختلف واقعات پر بات چیت کریں گے۔

بنگلورو میں رائل چیلنجرز بنگلور کی جیت کے جشن کے دوران بھگدڑ کے بعد کانگریس ہائی کمان نے کرناٹک کے وزیر اعلی سدارامیا اور نائب وزیر اعلی ڈی کے شیوکمار کو دہلی طلب کیا ہے۔ ڈی کے شیوکمار پہلے ہی ایک سرکاری پروگرام کے لیے دہلی میں ہیں۔ جبکہ وزیر اعلیٰ سدارامیا منگل کی صبح دہلی پہنچ سکتے ہیں۔ دونوں 10 جون کو پارٹی ہائی کمان سے ملاقات کریں گے اور ریاست کی تازہ ترین پیش رفت کے بارے میں جانکاری دیں گے۔

ہائی کمان کے ساتھ میٹنگ کے دوران سدارامیا بھگدڑ سے متعلق الجھنوں اور الزامات کو بھی واضح کریں گے۔ آر سی بی کی جیت کے جشن کے دوران بھگدڑ قومی سطح پر پہلے ہی بحث کا موضوع بن چکی ہے۔ اس واقعہ کے بعد ریاستی حکومت اپوزیشن کے نشانے پر ہے۔ اپوزیشن پارٹیاں حکومت پر سنگین الزامات لگا رہی ہیں کہ ریاستی حکومت نے جلد بازی میں فتح کے جشن کی اجازت دی تھی۔

اسمبلی میں آر سی بی ٹیم کی پروقار تقریب کو لے کر بھی لوگوں میں کافی ناراضگی ہے۔ بغیر کسی حفاظتی انتظامات کے عجلت میں فتح کا جشن منانے کی اجازت دینے کے حکومتی اقدام کو بھی تنقید کا نشانہ بنایا جا رہا ہے۔ جس کی وجہ سے ریاستی حکومت کو کافی تنقید کا سامنا کرنا پڑ رہا ہے۔

اس تناظر میں وزیر اعلیٰ سدارامیا دہلی میں پارٹی ہائی کمان سے ملاقات کریں گے اور وضاحت دیں گے۔

ہندوستھان سماچار

ہندوستان سماچار / عطاءاللہ