جبل پور، 5 جون (ہ س)۔ نیتا جی سبھاش چندر بوس میڈیکل کالج کے ایک جونیئر ڈاکٹر نے جمعرات کی صبح ہاسٹل نمبر 4 کی چوتھی منزل سے چھلانگ لگا دی۔ جس کی وجہ سے وہ شدید زخمی ہو گیا۔ زخمی جونیئر ڈاکٹر کو فوری طور پر علاج کے لیے داخل کرایا گیا ہے، جہاں اس کی حالت تشویشناک بتائی جاتی ہے۔

ہاسٹل کی چوتھی منزل سے چھلانگ لگانے والے جونیئر ڈاکٹر کا نام شیوانش گپتا بتایا جا رہا ہے۔ وہ اصل میں ریوا کا رہنے والا ہے۔ جونیئر ڈاکٹر کے گرتے ہی کیمپس میں کہرام مچ گیا۔ موقع پر موجود طلباء اور کالج کے عملے نے زخمی طالب علم کو فوری طور پر اٹھایا اور کالج کے کیزولٹی وارڈ میں لے گئے۔ گرنے سے شیونش کے سر، ہاتھ اور پیروں پر شدید چوٹیں آئی ہیں اور اسکی حالت انتہائی نازک بنی ہوئی ہے۔

ساتھی عملے کے مطابق شیونش جمعرات کی صبح اچانک ہاسٹل کی چوتھی منزل کی ریلنگ پر چڑھ گیا اور کچھ ہی دیر میں چھلانگ لگا دی۔ اس سے پہلے کہ آس پاس موجود لوگ کچھ سمجھ پاتے وہ نیچے گر گیا۔ افواہ ہے کہ اس نے یہ خودکشی کا قدم ذہنی تناؤ کے باعث اٹھایا۔ تاہم واقعے کی اصل وجہ تاحال معلوم نہیں ہوسکی ہے۔ پولیس نے جائے وقوعہ کی چھان بین کرتے ہوئے طالب علم کے کمرے کو سیل کر کے ضروری دستاویزات اور شواہد بھی قبضے میں لے لیے ہیں۔ کالج انتظامیہ نے اہل خانہ کو مطلع کر دیا ہے اور انہیں جبل پور بلایا جا رہا ہے۔

ہندوستھان سماچار

---------------

ہندوستان سماچار / عبدالواحد