آل جموں و کشمیر پنچایت کانفرنس نے انتخابات منعقد کرنے کا مطالبہ کیا

جموں، 3 جون (ہ س)۔ آل جموں و کشمیر پنچایت کانفرنس نے پنچایتی انتخابات میں تاخیر پر تشویش کا اظہار کرتے ہوئے اسے دیہی سطح پر جمہوری خلا قرار دیا ہے اور مرکزی حکومت سے مطالبہ کیا ہے کہ وہ فوری طور پر نچلی سطح کی جمہوریت بحال کرے۔

تنظیم کے صدر انیل شرما نے کہا کہ پنچایت اور بی ڈی سی انتخابات میں تاخیر سے نہ صرف دیہی ترقی متاثر ہو رہی ہے بلکہ اہم ترقیاتی منصوبوں کے فنڈز بھی رکے ہوئے ہیں۔ انہوں نے کہا کہ انتخابات محض رسمی کارروائی نہیں بلکہ دیہی حکمرانی کے لیے ناگزیر ہیں۔

شرما نے حکومت پر زور دیا کہ وہ پنچایتی اداروں کے لیے واضح ٹائم لائن مقرر کرے اور ریاستی الیکشن کمیشن کے قیام کی دیرینہ مانگ کو پورا کرے تاکہ وقت پر انتخابات یقینی بنائے جا سکیں۔انہوں نے کہا کہ سڑکوں، بجلی، پینے کے پانی اور راشن کی فراہمی جیسے کئی منصوبے پنچایتی ادارے نہ ہونے کے باعث تعطل کا شکار ہیں، جس سے عام دیہی آبادی متاثر ہو رہی ہے۔

ہندوستھان سماچار

---------------

ہندوستان سماچار / محمد اصغر