نئی دہلی، 26 جون (ہ س)۔ انڈین اوشین نیول سمپوزیم (آئی او این ایس) کے ورکنگ گروپ کا سمندری سلامتی پر اجلاس نئی دہلی میں ہندوستانی بحریہ کی میزبانی میں ہوا۔آئی او این ایس کے 13 رکن ممالک آسٹریلیا، بنگلہ دیش، فرانس، بھارت، کینیا، موزمبیق، عمان، روس، سعودی عرب، جنوبی افریقہ، سری لنکا، تنزانیہ اور تھائی لینڈ کے نمائندوں نے اس میں شرکت کی۔

اپنے کلیدی خطاب میں، ریئر ایڈمرل نربھے بپنا، اسسٹنٹ چیف آف دی نیول اسٹاف (فارن کوآپریشن اینڈ انٹیلی جنس) نے بحر ہند کے خطے (آئی او آر) میں علاقائی بحری تعاون کو فروغ دینے کے لیے ہندوستان کے پختہ عزم کا اعادہ کیا اور عصری سیکورٹی چیلنجوں سے مو¿ثر طریقے سے نمٹنے کے لیے کثیرالجہتی میکانزم کی بڑھتی ہوئی ضرورت پر زور دیا۔ دو روزہ تقریب کے دوران، مندوبین نے علاقائی میری ٹائم سیکورٹی کے ڈھانچے کو مضبوط بنانے کے مقصد سے وسیع پیمانے پر بات چیت کی۔اس دوران، بات چیت میں معلومات کے تبادلے کے ڈھانچے کو بڑھانے، سمندری ڈومین کے بارے میں آگاہی کو آگے بڑھانے اور ابھرتے ہوئے خطرات کو کم کرنے کے لیے باہمی تعاون کے طریقوں کو اپنانے پر توجہ مرکوز کی گئی۔ ورکنگ گروپ نے مربوط اور بروقت علاقائی ردعمل کی سہولت کے لیے ہم آہنگ آپریشنل گائیڈ لائنز اور عملی اقدامات کی تشکیل پر بھی تبادلہ خیال کیا۔ توقع ہے کہ اجلاس کے نتائج بحر ہند کے محفوظ خطے کو برقرار رکھنے کے لیے رکن بحری افواج کے اجتماعی عزم کو مضبوط کرنے میں اہم کردار ادا کریں گے۔

ہندوستھان سماچار

ہندوستان سماچار / Mohammad Khan