کولکاتا، 23 جون (ہ س)۔ کالی گنج اسمبلی سیٹ پر ہونے والے ضمنی انتخاب میں ووٹوں کی گنتی ابھی جاری ہی تھی،جس میں ترنمول کانگریس کی امیدوار علیفہ احمد بھاری اکثریت سے جیتنے کے راستے پر نظر آئیں۔ اس دوران پارٹی سربراہ اور وزیر اعلیٰ ممتا بنرجی نے جاری گنتی سے آنے والے رجحانات کو جیت کا اشارہ مانتے ہوئے کہا کہ یہ ماں، ماٹی اور مانوش کی جیت ہے۔

وزیر اعلیٰ نے سوشل میڈیا پر لکھا کہ کالی گنج ضمنی انتخاب میں ہر مذہب، ذات، برادری اور سماج کے تمام طبقات کے لوگوں نے اپنے جمہوری حقوق کا استعمال کیا اور ترنمول کانگریس کو آشیرواد دیا۔ میں جھک کر سب کا شکریہ ادا کرتا ہوں۔ آپ نے ہمیں آشیرواد دیا۔ یہ جیت ماں،ماٹی اور مانوش کی ہے۔

وزیر اعلیٰ نے اپنی پارٹی کے کارکنوں کی بھی تعریف کی جنہوں نے انتخابات میں سخت محنت کی اور کہا کہ کالی گنج میں ترنمول کارکنوں نے اس کامیابی کے لئے دن رات کام کیا۔ میں انہیں تہہ دل سے مبارکباد پیش کرتی ہوں۔ ممتا بنرجی نے اس جیت کو آنجہانی ایم ایل اے ناصر الدین احمد کو وقف کرتے ہوئے کہا کہ یہ جیت بنگال کی ماں، ماٹی اور مانوش کو وقف ہے۔

قابل ذکر ہے کہ یہ سیٹ ترنمول کانگریس کے ایم ایل اے ناصر الدین احمد کے اچانک انتقال کی وجہ سے خالی ہوئی تھی۔ ان کی بیٹی علیفہ احمد ترنمول کی امیدوار ہیں جنہوں نے عوام کا اعتماد جیت کر اس سیٹ کو برقرار رکھا ہے۔

ہندوستھان سماچار

ہندوستان سماچار / محمد شہزاد