نئی دہلی، یکم جون (ہ س)۔

دہلی پولیس کی کرائم برانچ نے ایک مفرور مجرم کو گرفتار کیا ہے جو جیوتی نگر اور کھجوری خاص علاقوں میں ڈکیتی کے دو معاملوں میں مفرور تھا۔ گرفتار ملزم کی شناخت جاوید عرف ہیپی (35) کے نام سے ہوئی ہے۔ ملزم ڈکیتی، چھینا جھپٹی، چوری اور ناجائز اسلحہ سمیت 21 کے قریب وارداتوں میں ملوث ہے۔

عدالت نے دیال پور میں ہونے والے چوری کے مقدمہ میں ملزم کو سزا سنائی ہے۔ عدالت نے اسے جیوتی نگر اور کھجوری خاص علاقوں میں گن پوائنٹ پر ڈکیتی کے معاملے میں مفرور قرار دیا تھا۔ پولیس گرفتار ملزمان سے پوچھ گچھ کر کے معاملے کی تفتیش کر رہی ہے۔ ملزم کو کراول نگر سے گرفتار کیا گیا۔کرائم برانچ کے ڈی سی پی وکرم سنگھ نے بتایا کہ خاتون کانسٹیبل سمرن کو مفرور مجرم جاوید عرف ہیپی کے بارے میں اطلاع ملی تھی کہ ملزم کراول نگر آنے والا ہے۔ اطلاع ملنے کے بعد فوری طور پر ایک ٹیم تشکیل دی گئی اور ملزم کو 31 مئی کو کراول نگر علاقہ سے گرفتار کیا گیا۔ پوچھ گچھ کے دوران ملزمین نے کھجوری اور جیوتی نگر میں ڈکیتی میں ملوث ہونے کا اعتراف کیا۔

پولیس تفتیش کے دوران ملزم نے بتایا کہ وہ سال 2013 میں جرائم کی دنیا میں داخل ہوا تھا، اس کے خلاف سال 2013 میں چوری کا مقدمہ درج کیا گیا تھا، ملزم اپنے ساتھیوں کے ساتھ مل کر مسلسل وارداتیں کر رہا تھا۔ پولیس اس سے پوچھ گچھ کر رہی ہے اور اس کے دیگر ساتھیوں کا پتہ لگانے کی کوشش کر رہی ہے۔

ہندوستھان سماچار

ہندوستان سماچار / Mohammad Khan