وزیر اعلیٰ نے پی ایم سی ایچ ری ڈیولپمنٹ پروجیکٹ (فیز 1)کے تحت 1117بیڈ والے اسپتال کا افتتاح کیامعائنہ کر کے وزیر کے انتظامات کی معلومات حاصل کی پٹنہ03مئی(ہ س)۔وزیر اعلیٰ نتیش کمار نے آج پٹنہ میڈیکل کالج اور اسپتال کی ری ڈیولپمنٹ پروجیکٹ(فیز1) کے تحت اسپتال کی عمارت کے ٹاور (i)اور (ii)میں 1117 بیڈ کے اسپتال کے نام کی تختی کی نقاب کشائی کر کے افتتاح کیا ۔ اس دوران وزیر اعلیٰ نے پی ایم سی ایچ کے صد سالہ کو یادگار بنا نے کے لیے 22فٹ کی علامہ شکل بنائے گئے مجسمہ کی نقاب کشائی کی ۔افتتاح کے بعد وزیر اعلیٰ نے نو تعمیر اسپتال کی عمارت کا معائنہ کر کے مریضوں کے لیے فراہم کرائی گئی سہولتوں کا جائزہ لیا ۔ معائنہ کے دوران وزیر اعلیٰ نے سب سے پہلے اسپتال کی عمارت کی بالائی منزل پر جاکر پی ایم سی ایچ کے قرب و جوار کے علاقوں کا معائنہ کیا اور ایئر ایمبولینس کے اترنے کے نظام کی جانکاری لی ۔ اس کے بعد وزیر اعلیٰ نے اسپتال کی عمارت کی نووین منزل پر جاکر نرس اسٹیشن ، کپڑے کی صفائی کے گودام ، اسپیشل روم انتہائی اسپیشل روم ، نرس کے کیبن وغیرہ کا جائزہ لیا ۔ وزیر اعلیٰ نے اسپتال کی عمارت کی تیسری منزل کا معائنہ کر کے مشورہ کے احاطہ ، کینسر جانچ گھر ، بانجھ پن کلینک ، کولپو اسکوپی کے طریقہ کے کمرے ، ملین کپڑے کے گودام وغیرہ کا معائنہ کیا ۔ لوگوں کے لیے اسپتال عمارت کی پہلی منزل پر وزیر اعلیٰ نے فراہم کرائی گئی ایمرجنسی خدمات اور سہولتوں کے بارے میں افسران سے تفصیلی جانکاری لی ۔ معائنہ کر دوران افسران نے وزیر اعلیٰ کو بتا یا کہ پی ایم سی ایچ بہار کا پہلا اسپتال ہے جس کی بالائی منزل پر سیریس مریضوں کو فوری مناسب علاج فراہم کرانے کے لیے ایئر ایمبو لینس کے اتر نے کا انتظام کیا گیا ہے ۔ پی ایم سی ایچ تک ایمبو لینس اور گاڑیو ں کو باقاعدہ چلانے کے لیے اسے جے پی گنگا پتھ سے جو ڑا جا چکا ہے اس کے علاوہ اشوک راج پتھ میں زیر تعمیر ڈبل ڈیکر روڈ سے بھی پی ایم سی ایچ کو جو ڑا جائے گا تاکہ مریضوں کو وقت پر علاج کی خدمات مہیا کرائی جا سکے ۔وزیراعلیٰ نے افسران کو ہدایات دیتے ہوئے کہا کہ تعمیراتی کام میں تیزی لاتے ہوئے پی ایم سی ایچ کے ری ڈویلپمنٹ پروجیکٹ کو مقررہ مدت میں مکمل کرائیں۔ جب یہ کام مکمل ہو جائے گاتو پی ایم سی ایچ میں مریضوں کے لیے 5462 بستروں کی سہولت ہو گی۔ اس کی تعمیر کے بعد کسی مریض کو علاج کے لیے مجبوری میں باہر نہیں جانا پڑے گا۔قابل ذکر ہے کہ ریاستی حکومت کے ذریعہ پٹنہ میڈیکل کالج اور اسپتال کو 5462 بستروں کے اسپتال اور 250 اندراج کی گنجائش والے میڈیکل کالج میں اپ گریڈ کرنے کے لیے کل 5ہزار 540کروڑ روپے کی لاگت کی رقم 06 دسمبر 2018 کو ری ڈیولپمنٹ پروجیکٹ کو منظوری دی گئی ہے۔وزیراعلیٰ کے ذریعہ 08 فروری 2021 کو رکھا گیا تھا۔ وزیراعلیٰ کے ذریعہ شروع سے ہی کئی بار منصوبے کے کام کا معائنہ کیا اور رہنمائی فراہم کی گئی ہے۔27 فروری 2024 کو وزیر اعلیٰ نے پہلے مرحلے کے تحت 550 بستروں پر مشتمل ہاسٹل، 175 گاڑیوں کی ملٹی لیول کار پارکنگ اور آؤٹ پیشنٹ ڈیپارٹمنٹ (او پی ڈی) اور بلڈ سینٹر کے تعمیراتی کام کا افتتاح کیا تھا۔ وزیر اعلیٰ کی ہدایات کے مطابق کام بہت تیز رفتار سے جاری ہے اور اسے مارچ 2027 تک مکمل کرنے کا ہدف رکھا گیا ہے۔اس پروجیکٹ کی تکمیل کے بعد یہ ہندوستان کا سب سے بڑا اسپتال اور دنیا کا دوسرا بڑا اسپتال بن جائے گا۔اس کے علاوہ 5 دیگرقدیم میڈیکل کالجوں اور ہسپتالوں کو بھی 2500 بستروں تک اپ گریڈ کیا جا رہا ہے۔ اس سلسلے میں دربھنگہ میڈیکل کالج اور اسپتال میں پہلے سے دستیاب 1030بیڈ کے علاوہ33نئے بیڈیعنی کل 1380بیڈ، انوگرہ نارائن میڈیکل کالج اور اسپتال گیا میں پہلے سے دستیاب 444 بیڈ کے علاوہ، 623 نئے نئے بیڈ یعنی کل1067بیڈ،جواہر لال نہرو میڈیکل کالج اور اسپتال بھاگلپور میں پہلے سے مہیا 400بیڈ کے علاوہ 810نئے بیڈ یعنی کل 1210- بیڈ، سری کرشنا میڈیکل کالج اور ہسپتال مظفر پور میں، پہلے سے دستیاب 500 بستروں کے علاوہ 705 نئے بستر، یعنی کل 1205 بیڈ اور نالندہ میڈیکل کالج اور ہسپتال پٹنہ میں پہلے سے فراہم 400بیڈ کے علاوہ 470 نئے بیڈ یعنی کل 870 بستر دستیابی ہو چکی ہے۔ باقی بیڈ کے لیے بھی کام تیز رفتاری سے کیا جا رہا ہے۔ وزیر اعلیٰ کی ہدایات پر پٹنہ کے آئی جی آئی ایم ایس میں 3000 بستروں کا ہدف مقرر کیا گیا ہے جو اس سال اگست میں مکمل ہو جائے گا۔ ریاستی حکومت کے ذریعہ فیصلہ لے کر اس اسپتال میں مریضوں کے لیے مفت ادویات کا انتظام کیا گیا ہے اور بہت سے ترقیاتی کام ہوئے ہیں۔ پروگرام میں وزیر صحت مسٹر منگل پانڈے نے وزیر اعلیٰ کو پھولوں کا گلدستہ اور مو منٹو پیش کرکے ان کا استقبال کیا۔ ہندوستھان سماچار

ہندوستان سماچار / Mohammad Afzal Hassan