بھوپال، 4 مئی (ہ س)۔ ان دنوں مدھیہ پردیش میں موسم میں تبدیلی دیکھی جا رہی ہے۔ ریاست کے کچھ اضلاع میں شدید گرمی کا قہر ہے، جب کہ دیگر مقامات پر بارش اور آندھی کا سلسلہ جاری ہے۔ محکمہ موسمیات کا کہنا ہے کہ ایسا موسم سائیکلونک سرکولیشن کے 3 سسٹمز کے فعال ہونے سے پیدا ہو رہا ہے۔ ہفتہ کو دھول بھری آندھی دارالحکومت بھوپال میں چلی، جب کہ کئی اضلاع میں بارش اور اولے گرے۔ آج اتوار کو بھی ایسا ہی موسم رہے گا۔ بھوپال، اندور، گوالیار، اجین-جبل پور سمیت 45 اضلاع میں الرٹ ہے۔

محکمہ موسمیات کے مطابق تین سائیکلونک سرکولیشنز کے علاوہ دو ٹرف بھی گزر رہی ہے۔ جس کی وجہ سے موسم بدل گیا ہے۔ ریاست میں اگلے چار دنوں یعنی 7 مئی تک تیز آندھی اور بارش کا امکان ہے۔ اس دوران آندھی 40 سے 60 کلومیٹر فی گھنٹہ کی رفتار سے چل سکتی ہے۔ بھوپال میں دھول بھری آندھی چلنے کا امکان ہے۔ اس سے پہلے بھی ریاست میں ہفتہ کو آندھی، بارش اور ژالہ باری کے درمیان گرمی کا اثر دیکھا گیا تھا۔

ہندوستھان سماچار

ہندوستان سماچار / انظر حسن