نئی دہلی، 12 مئی (ہ س)۔ اولمپین کنن چینائی اور 18 سالہ صبیرا حارث کی جوڑی نے قبرص کے نیکوسیا میں منعقدہ آئی ایس ایس ایف شاٹگن ورلڈ کپ 2025 میں ٹریپ مکسڈ ٹیم ایونٹ میں کانسے کا تمغہ جیت کر ہندوستان کا سر فخر سے بلند کیا۔

ترکیہ کو سخت چیلنج پیش کیا

کانسے کے تمغے کے مقابلے میں، ہندوستانی جوڑی نے ترک ٹیم - ٹولگا ٹینسر اور رومیا کایا - کو 34-33 کے قریبی فرق سے شکست دی۔ قبل ازیں کوالیفکیشن میں، ہندوستان نے 142 پوائنٹس حاصل کیے تھے اور چینی تائپے کی ٹیم (وان-یو لیو اور کون-پی یانگ) کو شوٹ آف میں 4-2 سے شکست دے کر کانسے کے تمغے کے مقابلے میں داخل ہوا تھا۔

صبیرہ کی شاندار کارکردگی

18 سالہ صبیرہ حارث نے کوالیفکیشن میں اچھی کارکردگی کا مظاہرہ کرتے ہوئے 75 میں سے 72 شاٹس لگائے جبکہ 34 سالہ تجربہ کار کنن چینائی نے 70 شاٹس مکمل کیے۔ صبیرہ اس سے قبل شاردول ویہان کے ساتھ جونیئر ورلڈ چیمپئن شپ میں مکسڈ ٹریپ ایونٹ میں میڈل جیت چکی ہیں۔

ترکیہ کی ٹیم گولڈ میچ سے محروم رہی

دلچسپ بات یہ ہے کہ ترکیہ کی ٹیم گولڈ میڈل کے مقابلے میں جگہ بنانے سے بھی محروم رہ گئی۔ وہ دوسرے نمبر کی چینی جوڑی ژانگ زیکسی اور کیو ینگ سے شوٹ آف میں 1-2 سے ہار گئے، جبکہ پولینڈ کی ٹیم 146 پوائنٹس کے ساتھ پہلے نمبر پر رہی۔

دوسری ہندوستانی ٹیم کی اوسط کارکردگی

ہندوستان کی دوسری ٹیم، جس میں شاردول ویہان (72) اور کیرتی گپتا (65) شامل ہیں، نے مجموعی طور پر 137 پوائنٹس بنائے اور 34 ٹیموں میں 17 ویں نمبر پر رہے۔

ہندوستھان سماچار

ہندوستان سماچار / محمد شہزاد