لکھنؤ، 12 مئی (ہ س)۔ بی جے پی کے سینئر لیڈران بشمول اتر پردیش کے وزیر اعلیٰ یوگی آدتیہ ناتھ، نائب وزیر اعلیٰ کیشو پرساد موریہ نے سینئر صحافی اور انڈین فیڈریشن آف ورکنگ جرنلسٹس (آئی ایف ڈبلیو) کے قومی صدر ڈاکٹر کے وکرم راؤ کے انتقال پر تعزیت کا اظہار کیا۔ وزیر اعلیٰ نے ایکس پر لکھا کہ سینئر صحافی ڈاکٹر کے وکرم راؤ کا انتقال انتہائی افسوسناک اور صحافت کی دنیا کے لیے ایک ناقابل تلافی نقصان ہے۔ انہیں عاجزانہ خراج عقیدت! میری ہمدردیاں سوگوار خاندان کے ساتھ ہیں۔ بھگوان شری رام سوگوار خاندان کو اس بے پناہ دکھ کو برداشت کرنے کی طاقت دے۔
نائب وزیر اعلیٰ کیشو پرساد موریہ نے اپنے سوشل میڈیا اکاؤنٹ ایکس پر لکھا کہ ملک کے سب سے سینئر اور قابل احترام صحافی، انڈین فیڈریشن آف ورکنگ جرنلسٹس (آئی ایف ڈبلیو) کے قومی صدر ڈاکٹر کے وکرم راؤ کے انتقال کی خبر انتہائی افسوسناک ہے۔ ڈاکٹر راؤ کی پوری زندگی نڈر صحافت، اصول پسند نظریہ اور سماج کے تئیں گہری وابستگی کی علامت تھی۔ انہوں نے اپنی غیر جانبدارانہ اور بے خوف تحریر کے ذریعے صحافت کی دنیا کو ایک نئی سمت دی۔
ڈپٹی چیف منسٹر برجیش پاٹھک نے اپنے تعزیتی پیغام میں کہا کہ انہیں ملک کے نامور صحافی، انڈین فیڈریشن آف ورکنگ جرنلسٹس (آئی ایف ڈبلیو) کے قومی صدر ڈاکٹر کے وکرم راؤ کے انتقال کی انتہائی افسوسناک خبر ملی۔ بھگوان شری رام ان کی روح کو اپنے قدموں میں جگہ دے اور غم زدہ کنبہ کے افراد کو صبر عطا کرے۔
---------------
ہندوستان سماچار / عبدالسلام صدیقی
