امپھال، 11 مئی (ہ س)۔ منی پور کے مختلف حساس علاقوں میں سیکورٹی فورسز کی جانب سے شدید آپریشن کیا جا رہا ہے۔ ریاست کے مختلف مقامات سے آپریشن کے دوران 13 عسکریت پسندوں کو گرفتار کیا گیا۔ جبکہ بھاری مقدار میں اسلحہ اور دھماکہ خیز مواد بھی برآمد کر لیا گیا۔

منی پور پولیس کے ترجمان نے اتوار کو بتایا کہ اس عرصے کے دوران ایک 7.62 ایس ایل آر رائفل، ایک میگزین، ایک موڈیفائیڈ .303 رائفل، ایک ایس بی بی ایل گن، دو .22 رائفلیں، ایک فلیئر گن، دو 9 ایم ایم پستول اور دو میگزین، ایک پستول ڈی میگزین، ایک ہینڈ آوٹ، ایک ایم ایم پی او کے ساتھ ایک گولہ بارود ، باوفینگ ہینڈ ہیلڈ سیٹ، مختلف قسم کی گولیاں، دو بی پی واسکٹ، جنگل کے جوتے، سفید پلاسٹک کا تھیلا اور ایک بوری پٹسوئی تھانہ علاقے کے تحت ساجروک توریل مپال (امپھال ویسٹ) سے ضبط کی گئی۔

ریاست میں ناجائزوصولی کی سرگرمیوں میں ملوث ملزمان کی گرفتاری کے لیے انٹیلی جنس کی بنیاد پر ایک بھرپور سرچ آپریشن جاری ہے۔

اسی طرح کی کارروائی میں، کے سی پی (پی ڈبلیو جی) کے دو کیڈر، ننگتھوجام کرن میتی عرف بوائناؤ (29) اور سورکھائیبام انوچا سنگھ (45) کو امپھال ویسٹ سے گرفتار کیا گیا۔ ان سے انساس، اے کے رائفل اور .303 گولیاں، خالی خول، باوفینگ سیٹ، بی پی جیکٹ، موبائل، آدھار کارڈ، چار پہیہ گاڑی اور ایک سبز بیگ ضبط کیا گیا۔

ایک اور کارروائی میں کے سی پی (ایم سی پروگریسو) کے چار کیڈر کو مختلف مقامات سے گرفتار کیا گیا۔ ان میں ہڈنگمیوم ہریش چندر شرما، ہڈنگمیوم نوبا شرما، اوینم جیت سنگھ اور لائشرام اناؤ سنگھ کے نام شامل ہیں۔ ان کے قبضے سے دو پستول، 27 زندہ کارتوس، تھری وہیلر، ٹو وہیلر، موبائل، پرس، نقدی اور دستاویزات برآمد ہوئے۔

کے سی پی (اپمبا) کیڈر ابوجام منوج سنگھ (21) کو سلام ماننگ لائکئی سے گرفتار کیا گیا اور اس کے قبضے سے ایک موبائل فون اور 5.56 ایم ایم گولیوں کے 46 راؤنڈ برآمد ہوئے۔

سوگولسیم تھوئتھوئی عرف سیمسن (44)، جو آر پی ایف/پی ایل اے کا رکن ہے، کو لامسانگ پولیس اسٹیشن کے علاقے میں گرفتار کیا گیا۔ اس کے پاس سے دو موبائل فون ضبط کیے گئے۔

انگوڈم انگوچا سنگھ (48)، پریپک (پرو) کے ایک سرگرم رکن کو لام لائی تھانے کے علاقے سے گرفتار کیا گیا تھا، اور سارنگتھم پریمانند سنگھ (35) کو وانگو تھانے کے علاقے سے گرفتار کیا گیا تھا۔ دونوں پر اسلحہ، رسد اور رنگداری میں ملوث ہونے کا الزام ہے۔

پریپاک سے تعلق رکھنے والے G5 تنظیم کے رکن سلام کفسان لوانگ (26) کو امپھال ویسٹ سے گرفتار کیا گیا۔ اس کے پاس سے موبائل اور آدھار کارڈ برآمد ہوا۔

ے سی پیک (پی ڈبلیو جی) کے ننگمبم جیتن سنگھ (45) اور پریپاک (پرو) کے کھنگمبم ننگتھم میتی (51) کو تھوبل ضلع سے گرفتار کیا گیا۔ دونوں پر رنگداری، نئی بھرتیوں اور غیر قانونی ٹیکس وصولی میں ملوث ہونے کا الزام ہے۔ ان کے پاس سے موبائل فون اور سم کارڈ ضبط کر لیے گئے۔

ریاست میں جاری انٹیلی جنس پر مبنی کارروائیوں میں رنگداری میں ملوث عسکریت پسندوں کے خلاف بڑی کارروائی کی گئی ہے اور یہ سلسلہ بدستور جاری ہے۔

---------------

ہندوستان سماچار / عبدالسلام صدیقی