نئی دہلی، 12 مئی (ہ س)۔ بی جے پی نے دہشت گردی کے خلاف آپریشن سندور کی کامیابی میں اہم کردار ادا کرنے پر بھارتی سیکیورٹی فورسزکو خراج تحسین پیش کیا ہے۔ بی جے پی نے کہا کہ آپریشن سندور سو فیصد کامیاب رہا۔ ہمارے تمام بہادر پائلٹ جو رافیل کے ساتھ گئے تھے، دہشت گردوں کے تمام ٹھکانوں کو تباہ کرنے کے بعد واپس آئے، لیکن کسی شہری کو ہلاک نہیں کیا۔

پیر کو بی جے پی ہیڈکوارٹر میں منعقدہ ایک پریس کانفرنس میں پارٹی کے ترجمان اور رکن پارلیمنٹ سمبت پاترا نے کہا کہ آپریشن سندور سو فیصد کامیاب رہا۔ ہمارے تمام بہادر پائلٹ جو رافیل کے ساتھ گئے تھے، دہشت گردوں کے تمام ٹھکانوں کو تباہ کرنے کے بعد واپس آئے، لیکن کسی شہری کو نقصان نہیں پہنچا۔ اس سندور آپریشن کے تحت، فوج نے پاکستان کے نو دہشت گرد کیمپوں کو تباہ کیا، جن میں سے پانچ پاکستانی مقبوضہ جموں و کشمیر (پی او کے) اور چار پاکستان میں تھے۔ قوم کی حفاظت میں سیکورٹی فورسز کی کاوشوں کو سراہتے ہوئے انہوں نے کہا کہ فوج نے بے مثال جرات کا مظاہرہ کیا ہے۔

انہوں نے کہا کہ 22 اپریل کو پہلگام میں 26 افراد کو پاکستان سے تربیت یافتہ دہشت گردوں نے بے دردی سے قتل کر دیا تھا۔ تب وزیر اعظم نریندر مودی نے وعدہ کیا تھا کہ دہشت گردی کے خلاف حملہ ہوگا، ہم پہلگام میں اس دہشت گردانہ حملے کا بدلہ لیں گے۔ یہ بدلہ دہشت گردوں کی سوچ سے باہر ہو گا اور جو انتقام ہم نے لیا وہ دہشت گردوں کی سوچ سے بھی بالاتر تھا۔

انہوں نے کہا کہ پانی اور خون ایک ساتھ نہیں بہہیں گے۔ جو 50 سال سے ممکن نہیں تھا، اس بار ممکن ہوا۔ دریائے سندھ کا پانی کسی جنگ میں نہیں روکا گیا، یہ ناممکن کام اس بار ممکن ہوا۔ اٹاری واہگہ بارڈر بند کر دیا گیا۔ دونوں ممالک کے درمیان تجارت نہیں ہو گی اور پاکستان کی معیشت کو اس کا خمیازہ بھگتنا پڑے گا۔

ہندوستھان سماچار

---------------

ہندوستان سماچار / عبدالواحد