بگوٹا، 28 مارچ (ہ س)۔

امریکی ہوم لینڈ سیکورٹی کی سکریٹری کرسٹی نوئیم امیگریشن، جرائم اور ملک بدری پر بات چیت کے لیے تین لاطینی امریکی ممالک کے دورے کے ایک حصے کے طور پر جمعرات کو کولمبیا پہنچیں۔یہ دورہ ایک ایسے وقت میں ہو رہا ہے جب ٹرمپ انتظامیہ اور کولمبیا کی حکومت کے درمیان تعلقات کشیدہ ہو رہے ہیں۔ جنوری میں امریکہ کی جانب سے ملک بدر کیے گئے تارکین وطن کو کولمبیا بھیجنے پر تنازعہ کھڑا ہو گیا تھا۔

نوئیم نے کولمبیا کی وزیر خارجہ لورا سرابیا سے ملاقات کی اور نقل مکانی اور جرائم کے مسائل پر ’’واضح اور ایماندارانہ‘‘ بات چیت کی۔ نوئیم نے کہا، ’’ہم اپنے کولمبیا کے شراکت داروں کے ساتھ سرحدی حفاظت اور فوجداری قانون کے نفاذ کو مضبوط بنانے کے لیے پرعزم ہیں۔‘‘

وہیں ساربیا نے تارکین وطن کے انسانی حقوق اور وقار کے تحفظ پر زور دیا۔ دونوں ممالک نے قانون نافذ کرنے والے اداروں کے لیے بائیو میٹرک ڈیٹا شیئر کرنے کے معاہدے پر بھی دستخط کیے۔

نوئیم کا دورہ ایل سالواڈور کے ان کے بدھ کے سفر سے مختلف تھا، جہاں انہوں نے صدر نائب بوکیلے سے ملاقات کی۔ امریکہ میں دائیں بازو کی طرف سے بوکیلے کو ان کے سخت مجرمانہ موقف کے لیے سراہا جا رہا ہے۔نوئیم نے وہاں کے بڑے جیل کمپلیکس کا بھی دورہ کیا، جہاں سینکڑوں وینزویلا قید ہیں۔ ان پر ’ٹرین دی آراگوا‘‘ گینگ سے روابط کا الزام ہے، حالانکہ ٹرمپ انتظامیہ کی جانب سے ابھی تک ٹھوس شواہد پیش نہیں کیے گئے ہیں۔ ملک بدری کے ان مقدمات کو عدالت میں چیلنجز کا سامنا ہے۔

ہندوستھان سماچار

ہندوستان سماچار / انظر حسن