اسلام آباد، 28 مارچ (ہ س)۔

پاکستان کے شورش زدہ صوبے خیبرپختونخوا (کے پی) میں سیکورٹی فورسز نے گزشتہ 48 گھنٹوں کے دوران 11 دہشت گردوں کو ہلاک کردیا۔ پاک فوج کے میڈیا ونگ انٹر سروسز پبلک ریلیشنز (آئی ایس پی آر) کے مطابق کے پی کے تین اضلاع میر علی، میران شاہ اور ڈی آئی خان میں چار مقامات پر سیکورٹی فورسز کے درمیان براہ راست تصادم ہوا۔ سیکورٹی فورسز نے دہشت گردوں کو بغیر کسی نقصان کے ہلاک کر دیا۔

جیو نیوز چینل کی خبر کے مطابق آئی ایس پی آر نے ایک بیان میں کہا ہے کہ شمالی وزیرستان کے ضلع میر علی کے علاقے میں خفیہ اطلاع پر کی گئی کارروائی میں سیکورٹی فورسز نے 5 دہشت گردوں کو ہلاک کردیا۔ اسی علاقے میں مزید تین دہشت گرد ایک مقابلے میں مارے گئے۔

میران شاہ کے علاقے میں دو اور ضلع ڈیرہ اسماعیل خان کے علاقے دربان میں ایک دہشت کا کام تمام کر دیا گیا۔ ان کے پاس سے اسلحہ اور گولہ بارود بھی برآمد ہوا ہے۔

فوج کے میڈیا ونگ کے مطابق گزشتہ ہفتے شمالی وزیرستان کے ضلع غلام خان کلے کے علاقے میں افغانستان سے پاکستان میں داخل ہونے کی کوشش کے دوران کم از کم 16 دہشت گرد سیکورٹی فورسز کے ہاتھوں مارے گئے۔ افغانستان میں طالبان کے دوبارہ اقتدار میں آنے کے بعد پاکستان 2021 سے دہشت گردانہ حملوں کا مقابلہ کر رہا ہے۔ سب سے زیادہ حملے خیبرپختونخوا اور بلوچستان میں ہو رہے ہیں۔ جنوری 2025 سے دہشت گردانہ حملوں میں اضافہ ہوا ہے۔

ہندوستھان سماچار

ہندوستان سماچار / انظر حسن