غازی آباد، 27 مارچ (ہ س)۔ اندرا پورم پولیس اسٹیشن نے بدھ کی رات ایک انکاو¿نٹر کے دوران ایک بدنام مجرم کو گرفتار کیا جس نے ایک زیورات کی دکان کا شٹر توڑ کر دکان سے 4 کلو چاندی اور 3 گرام سونا چوری کیا تھا۔تصادم میں پولیس کی چلائی گئی گولی سے مجرم زخمی ہوگیا۔ اسے اسپتال میں داخل کرایا گیا ہے۔ اس کے قبضے سے ایک غیر قانونی پستول، ایک خالی کارتوس، ایک زندہ کارتوس، مسروقہ سفید دھات کے دو پگھلے ہوئے ٹکڑے اور چوری میں استعمال ہونے والی جعلی نمبر پلیٹ والی ایک کار برآمد ہوئی۔ اس نے 21 مارچ کو چوری کی واردات انجام دی تھی۔ وہ اصل میں کاس گنج کا رہنے والا ہے اور اس کا نام انکت سکسینہ عرف ببلو عرف وجے سکسینہ ہے۔

اے سی پی ابھیشیک سریواستو نے بتایا کہ وسندھرا میں رات کے وقت ہونے والی لوٹ مار اور چوری کے واقعات کو روکنے کے لیے اندرا پورم پولیس اسٹیشن کی جانب سے تھانہ علاقے میں سخت چیکنگ کی جارہی ہے۔ چیکنگ کے دوران وسندھرا سیکٹر-01 ہنڈن بیراج پل کے قریب ایک سرمئی رنگ کی کار نظر آئی۔ ڈرائیور نے پولیس کو دیکھتے ہی بھاگنے کی کوشش کی اور گھبراہٹ میں کار ڈیوائیڈر سے ٹکرا گئی اور ڈرائیور گاڑی سے باہر نکل کر بھاگنے لگا۔ جب اسے پکڑنے کی کوشش کی گئی تو فرار ہونے والے شخص نے پولیس ٹیم پر جان سے مارنے کی نیت سے فائرنگ کردی۔ پولیس نے بھی جوابی فائرنگ کرتے ہوئے نوجوانوں کو نشانہ بنایا۔ جس کی وجہ سے انکت سکسینہ عرف ببلو عرف وجے سکسینہ ساکن محلہ موہن گلی کیاستھان کاس گنج، موجودہ پتہ گلی 4 نزد کپڑا فیکٹری، گڑھی چوکنڈی، نوئیڈا، ٹانگ میں گولی لگنے سے زخمی ہو کر نیچے گر گیا۔ زخمی کو موقع پر ہی تحویل میں لے لیا گیا۔

پولیس کی پوچھ گچھ کے دوران ملزم نے 21 مارچ کو وسندھرا کے امبے جیولرز میں ہونے والی چوری سمیت دیگر چوری کی وارداتیں کرنے کا اعتراف کیا۔ ملزم سے جب اس سے برآمد ہونے والی سفید دھات کے دو پگھلے ہوئے ٹکڑوں کے بارے میں پوچھا گیا تو اس نے بتایا کہ 21 اور 22 مارچ کی درمیانی شب میں اور میرے دوست راجویر سنگھ چوہان، رہائشی آفیسرز کالونی ریلوے روڈ اجھانی تھانہ اوجھانی ضلع بدایوں اور دو دیگر، جن کا نام پتہ نہیں معلوم ، ان دونوں کو راجویر لے کر آیا تھا، نے مل کر میواڈ کالج وسندھرا کے قریب ایک جیولر کی دکان کا شٹر توڑ کر چاندی کے زیورات اور سونا چرا لیا۔ چاندی میرے دوست راجویر نے پگھلائی تھی، جس میں دونوں چاندی کے ٹکڑے جو گاڑی کے ڈیش بورڈ سے برآمد ہوئے تھے میرے حصے میں آئے۔ میں آج پھر رات کو دوسری دکانوں پر چوری کرنے آیا ہوں۔

ملزم کے خلاف ضلع کاس گنج، اترپردیش اور گروگرام، ہریانہ میں ڈکیتی، قتل کی کوشش، ڈکیتی اور دھوکہ دہی کے تقریباً ایک درجن کیس درج ہیں۔

ہندوستھا ن سماچار

ہندوستان سماچار / محمد شہزاد