جموں, 17 مارچ (ہ س)۔ سوشل میڈیا پر مشہور اور بالی وڈ سے وابستہ شخصیت، اوری (اورحان اواترامانی) سمیت سات افراد کے خلاف کٹرا میں مقامی قوانین کی خلاف ورزی پر ایف آئی آر درج کی گئی ہے۔سرکاری ذرائع کے مطابق، اوری اور ان کے ساتھیوں پر ہوٹل کے اندر شراب نوشی کا الزام ہے، حالانکہ انہیں واضح طور پر آگاہ کیا گیا تھا کہ کٹرا میں شراب نوشی سختی سے ممنوع ہے۔ یہ واقعہ اس لحاظ سے زیادہ حساس ہے کہ کڑا ماتا ویشنو دیوی کے عقیدت مندوں کے لیے ایک مقدس یاترا مقام ہے۔ مہمانوں نے ہوٹل کے کاٹیج سوئٹ میں شراب نوشی کی، جبکہ انہیں پہلے سے ہی اس بات کی ہدایت دی گئی تھی کہ یہاں شراب اور غیر سبزی خور کھانے کی سخت ممانعت ہے۔یہ واقعہ 15 مارچ کو پیش آیا، جس کے بعد پولیس اسٹیشن کٹرا میں ایف آئی آر نمبر 72/25 درج کی گئی۔ دیگر ملزمان میں درشن سنگھ، پرتھ رینا، ریتک سنگھ، رشی دتہ، راکشیتا بھوگل، شگون کوہلی اور اناستاسیلا ارضاماسکینا شامل ہیں۔اوری نے حال ہی میں انسٹاگرام پر ایک ویڈیو پوسٹ کی تھی، جس میں انہیں اپنے دوستوں کے ساتھ محفل کرتے ہوئے دیکھا جا سکتا ہے۔ ویڈیو میں شراب کی بوتلیں میز پر رکھی ہوئی نظر آ رہی ہیں، جبکہ اوری اپنے فون کور کو نمایاں انداز میں دکھا رہے ہیں اور محفل کا لطف اٹھا رہے ہیں۔دریں اثنا، ایس ایس پی ریاسی نے سخت پیغام دیتے ہوئے کہا کہ قانون کی خلاف ورزی کرنے والوں، خاص طور پر منشیات اور شراب نوشی کے ذریعے ماحول خراب کرنے والوں کے خلاف سخت کارروائی کی جائے گی۔ ان کے مطابق، ایسے افراد کے لیے کوئی رعایت نہیں برتی جائے گی اور انہیں قانون کے مطابق سخت سزا دی جائے گی۔

ہندوستھان سماچار

---------------

ہندوستان سماچار / محمد اصغر