جے پور، 05 فروری (ہ س)۔ راجستھان میں بادلوں اور ویسٹرن ڈسٹربنس کی وجہ سے ہلکی بارش کی وجہ سے سردی بڑھ گئی ہے۔ جودھ پور، دھول پور، باراں اور سیروہی سمیت کئی اضلاع میں منگل کو دن کا زیادہ سے زیادہ درجہ حرارت 2 ڈگری سیلسیس تک گر گیا۔ ماہرین موسمیات کے مطابق اگلے 2-3 دنوں میں ریاست کے درجہ حرارت میں 3 ڈگری سیلسیس کی کمی ہوسکتی ہے جس کی وجہ سے صبح اور شام کے اوقات میں سردی مزید بڑھنے کا امکان ہے۔

گزشتہ 24 گھنٹوں کے موسم کی بات کریں تو جے پور، اجمیر اور بھرت پور ڈویژن کے اضلاع میں منگل کی صبح سے دوپہر تک آسمان ابر آلود رہا۔ اجمیر، دھول پور، دوسہ اور سیکر سمیت کئی اضلاع میں دن کے وقت ہلکی بوندا باندی درج کی گئی۔ بارش کی وجہ سے ریاست کے تمام شہروں کا زیادہ سے زیادہ درجہ حرارت 30 ڈگری سیلسیس سے نیچے درج کیا گیا جس کی وجہ سے دن میں سرد ی محسوس ہوئی اور ہلکی ٹھنڈی ہوا چلتی رہی۔

موسمیاتی مرکز، جے پور کے مطابق، منگل کو ریاست میں کئی مقامات پر ہلکی بوندا باندی ریکارڈ کی گئی۔ ریاست میں سب سے زیادہ درجہ حرارت چتور گڑھ میں 29.5 ڈگری سیلسیس ریکارڈ کیا گیا۔ اس کے ساتھ ہی ریاست کے بیشتر حصوں میں ہوا میں نمی کی اوسط مقدار 20 سے 70 فیصد کے درمیان درج کی گئی۔ بدھ کو جے پور اور بھرت پور ڈویژن میں کچھ مقامات پر ہلکی بارش کا امکان ہے، جبکہ باقی ڈویژنوں میں موسم خشک رہے گا۔ اگلے دو تین دنوں میں ریاست میں زیادہ سے زیادہ اور کم سے کم درجہ حرارت 2 سے 4 ڈگری تک گر سکتا ہے۔

موسمیاتی مرکز، جے پور کے مطابق، 4 فروری کو راجستھان کے بڑے شہروں میں درجہ حرارت میں فرق دیکھا گیا۔ چتوڑر گڑھ میں دن کا سب سے زیادہ درجہ حرارت 29.5 ڈگری سیلسیس ریکارڈ کیا گیا، جب کہ سیروہی میں سب سے کم درجہ حرارت صرف 11.2 ڈگری سیلسیس درج ڈ کیا گیا۔ اجمیر میں زیادہ سے زیادہ درجہ حرارت 25.4 ڈگری اور کم سے کم 15.1 ڈگری سیلسیس رہا۔ بھیلواڑہ میں دن کا درجہ حرارت 26.6 ڈگری اور رات کا درجہ حرارت 15 ڈگری سیلسیس ریکارڈ کیا گیا۔ جے پور میں زیادہ سے زیادہ درجہ حرارت 24.4 ڈگری اور کم سے کم 16.5 ڈگری سیلسیس ریکارڈ کیا گیا، جب کہ پیلانی میں یہ بالترتیب 24.8 ڈگری اور 9.3 ڈگری سیلسیس تھا۔ الور اور سیکر میں دن کا درجہ حرارت 24 ڈگری اور رات کا درجہ حرارت 8.6 ڈگری اور 14 ڈگری سیلسیس رہا۔

کوٹا میں زیادہ سے زیادہ درجہ حرارت 26.4 ڈگری اور کم سے کم 17.8 ڈگری سیلسیس درج کیا گیا۔ ادے پور میں دن کا درجہ حرارت 27.3 ڈگری اور رات کا درجہ حرارت 14.4 ڈگری سیلسیس تھا۔ باڑمیر اور جیسلمیر میں بالترتیب 27.4 ڈگری اور 11.8 ڈگری اور 25.6 ڈگری اور 8.4 ڈگری سیلسیس درجہ حرارت ریکارڈ کیا گیا۔ جودھ پور میں زیادہ سے زیادہ درجہ حرارت 26.2 ڈگری اور کم سے کم 14.8 ڈگری سیلسیس رہا۔ بیکانیر میں بالترتیب 25.1 ڈگری اور 9.6 ڈگری سیلسیس تھا۔ چورو میں زیادہ سے زیادہ درجہ حرارت 25.4 ڈگری اور کم سے کم 12.3 ڈگری سیلسیس ریکارڈ کیا گیا۔ گنگا نگر اور دھول پور میں دن کا درجہ حرارت بالترتیب 24.4 ڈگری اور 24.5 ڈگری سیلسیس اور رات کا درجہ حرارت 8.9 ڈگری اور 15.3 ڈگری سیلسیس ریکارڈ کیا گیا۔ باراں میں زیادہ سے زیادہ درجہ حرارت 24.8 ڈگری اور کم سے کم 14.4 ڈگری سیلسیس ریکارڈ کیا گیا۔ ہنومان گڑھ میں دن کا درجہ حرارت 21 ڈگری اور رات کا درجہ حرارت 6.7 ڈگری سیلسیس رہا، جب کہ جالور میں بالترتیب 27 ڈگری اور 13.5 ڈگری سیلسیس ریکارڈ کیا گیا۔ سیروہی میں زیادہ سے زیادہ درجہ حرارت 20 ڈگری اور کم سے کم 11.2 ڈگری سیلسیس رہا۔ فتح پور میں دن کا درجہ حرارت 25.4 ڈگری اور رات کا درجہ حرارت 12.1 ڈگری سیلسیس ریکارڈ کیا گیا۔ کرولی میں بالترتیب 24.4 ڈگری اور 13.2 ڈگری سیلسیس تھا۔ ماؤنٹ ابو میں سب سے کم درجہ حرارت 6 ڈگری سیلسیس جبکہ زیادہ سے زیادہ 18 ڈگری سیلسیس ریکارڈ کیا گیا۔ دوسہ میں دن کا درجہ حرارت 24.7 ڈگری اور رات کا درجہ حرارت 15 ڈگری سیلسیس ریکارڈ کیا گیا۔ ہندوستھان سماچار

ہندوستان سماچار / محمد شہزاد