ممبئی، 19 فروری (ہ س)اچولے پولیس اسٹیشن کے کرائم ڈیٹیکشن یونٹ نے

ایک ایسے گینگ کے تین ارکان کو گرفتار کیا ہے جو چالوں اور کچی بستیوں میں کھلے

گھروں میں گھس کر قیمتی اشیا، خصوصاً موبائل فون چوری کرتے تھے۔

حال ہی میں، ملزمان نے نالاسوپارہ میں شرڈی نگر کے

قریب واقع بال کرشنا چال میں ایک مکان میں داخل ہو کر موبائل فون چوری کیا جب کہ

گھر کی خاتون اسنیہا مہاترے نہانے میں مصروف تھیں۔ اس قسم کی وارداتوں میں اضافے

کے بعد سینئر پولیس انسپکٹر سوجیت کمار پوار نے جرائم کا پتہ لگانے والے یونٹ کو

ہدایت دی کہ وہ متاثرہ علاقوں میں نگرانی بڑھائیں اور ملزمان کو جلد از جلد گرفتار

کریں۔

گشت کے دوران، پولیس کو تین مشتبہ افراد کی حرکات

مشکوک محسوس ہوئیں، جس کے بعد جال بچھایا گیا اور نالاسوپارہ سے انہیں گرفتار کر

لیا گیا۔ ملزمان کی شناخت سندیپ شری رام گپتا (بائیس سال)، سائیناتھ پرکاش راٹھوڑ

(اٹھارہ سال) اور راجیندر گنگا پاسد جیسوال (انتالیس سال) کے طور پر کی گئی ہے،

جنہوں نے دوران تفتیش اپنے جرم کا اعتراف کر لیا۔

پولیس کے مطابق، یہ تینوں رہائشی علاقوں میں گھوم

کر ایسے گھروں میں گھس جاتے تھے جو کھلے ہوتے یا جن کی مناسب حفاظت نہیں کی جاتی

تھی۔ ملزمان کے قبضے سے ایک لاکھ پچیس ہزار روپے سے زیادہ مالیت کے پچیس چوری شدہ

موبائل فون برآمد کیے گئے ہیں۔ ان کے خلاف بھارتیہ نیائے سنہتا کی دفعہ تین سو

پانچ (اے) اور تین (پانچ) (مشترکہ ارادہ) کے تحت مقدمہ درج کیا گیا ہے۔

تحقیقات سے پتہ چلا کہ سندیپ گپتا اور سائیناتھ

راٹھوڑ پہلے بھی اسی طرح کی سات وارداتوں میں ملوث تھے، جن میں آچولے، مانیک پور

اور ویرار کے پولیس اسٹیشنوں کے حدود میں کی گئی چوریاں شامل ہیں۔ ملزمان کو

ریمانڈ پر جیل بھیج دیا گیا ہے اور مزید تفتیش جاری ہے۔

ہندوستھان

سماچار

ہندوستان سماچار / نثار احمد خان