گوپال گنج،12فروری(ہ س)۔بہار کے گوپال گنج میں دوست نے اپنے دوست کا قتل کر دیا۔ حالانکہ پولیس نے بروقت کارروائی کرتے ہوئے 4 گھنٹے میں معاملہ کو حل کرلیا۔ ضلع کے نگر تھانہ علاقے کے مٹھیا گاؤں میں ای رکشہ ڈرائیور کے قتل معاملے میں پولیس نے 24 گھنٹے میں قتل کا معاملہ حل کر لیا ہے۔ قتل معاملہ کے کلیدی ملزم کو بھی حراست میں لے لیا گیا ہے۔
بتایا جاتا ہے کہ نگر تھانہ علاقہ کے مٹھیا گاؤں کا ایک 16 سالہ لڑکا اتوار کی شام 4 بجے سے اپنے ہی گاؤں کے ایک لڑکے کے ساتھ کہیں گیا ہوا تھا۔ دونوں کچھ دیر مٹھیا موڑ پر بیٹھے رہے لیکن بعد میں اس کا دوست اپنے گھر واپس چلا گیا، جب کہ وہ اپنے گھر واپس نہیں آیا۔ اگلے دن اس کی لاش سرسوں کے کھیت سے ملی۔
پولیس نے معاملے کی تفتیش شروع کر دی۔ پولیس شک کی بنیاد پر ملزم کو تھانہ لے گئی۔ جہاں سخت پوچھ گچھ کے بعد اس نے اپنے جرم کا اعتراف کر لیا۔ اس کی اطلاع کی بنیاد پر پولیس نے قتل میں استعمال ہونے والی بیلٹ اور چابیاں بھی برآمد کی ہے۔ پولیس کے مطابق ملزم بھی نابالغ ہے۔
صدر ایس ڈی پی او پرانجل نے بتایا کہ پوچھ گچھ کے دوران ملزم نے بتایا کہ مقتول اس کی بہن کو تنگ کرتا تھا۔ اس وجہ سے اس نے قتل کا منصوبہ بنایا تھا۔ اتوار کے روز وہ اسے اس کے گھر سے اپنی موٹر سائیکل پر لے گیا۔ دونوں نے مل کر نشہ کیا اور پھر موقع پا کر اس کے گلے میں بیلٹ ڈال کر گلا دبا دیا جس کے نتیجے میں اس کی موت واقع ہو گئی۔ اس نے موٹر سائیکل کی چابی سے اس کی گردن پر بھی حملہ کیا۔
ہندوستھان سماچار
ہندوستان سماچار / Mohammad Afzal Hassan
