ناندیڑ ،
10 فرروی (ہ س)۔
ناندیڑ
شہر کے گرودوارہ گیٹ کے قریب دو نامعلوم موٹر سائیکل سوار بدمعاشوں نے پیر کی صبح
دو افراد پر فائرنگ کی اور فرار ہو گئے۔ اس واقعے میں زخمی ہونے والے دونوں افراد
کو فوری طور پر قریبی اسپتال منتقل کیا گیا۔ ڈاکٹروں نے ان میں سے ایک کو مردہ
قرار دے دیا جب کہ دوسرے کا علاج جاری ہے۔ تھانہ وزیر پور کی ٹیم سی سی ٹی وی کی
مدد سے واقعے کی تحقیقات کر رہی ہے۔
پولیس
کے مطابق ستیندر سنگھ عرف ستیہ اور گرمیت سنگھ گرودوارہ گیٹ کے پاس کھڑے تھے۔ اس
دوران دو بدمعاش موٹرسائیکل پر آئے اور ستیندر سنگھ اور گرمیت سنگھ پر اندھا دھند
دس راؤنڈ گولیاں چلائیں۔ اس کے بعد دونوں موقع سے فرار ہوگئے۔ واقعے کے بعد دونوں
کو قریبی اسپتال لے جایا گیا، جہاں ڈاکٹروں نے ستیندر سنگھ کو مردہ قرار دے دیا،
جب کہ گرمیت سنگھ کا علاج جاری ہے۔ معلومات کے مطابق ستیندر اور گرمیت دونوں کو
قتل کے ایک مقدمے میں عمر قید کی سزا سنائی گئی ہے اور دونوں پیرول پر جیل سے باہر
آئے تھے۔
اس
واقعہ کے بعد ناندیڑ کے سپرنٹنڈنٹ آف پولیس ابیناش کمار، وزیرآباد پولیس اسٹیشن کے
انسپکٹر لارڈ کدم فوراً موقع پر پہنچے اور جائے وقوعہ کا معائنہ کیا۔ جس کے بعد
پولیس سپرنٹنڈنٹ نے وزیر پور تھانے کو ہدایت کی ہے کہ وہ سی سی ٹی وی کی مدد سے
ملزمان کو تلاش کریں۔
ہندوستھان
سماچار
--------------------
ہندوستان سماچار / نثار احمد خان
