حیدرآباد، 25 دسمبر (ہ س)۔

آندھرا پردیش کے دارالحکومت امراوتی میں سابق وزیر اعظم ہنداٹل بہاری واجپئی کی یومِ پیدائش پر شاندار تقاریب کا اہتمام کیا گیا۔ وزیراعلیٰ چندرا بابو نائیڈو اور مرکزی وزیر شیوراج سنگھ چوہان نے وین کٹاپالم کے قریب سیڈ ایکسس روڈ پر 2.5 ایکڑ رقبہ پر محیط اٹل اسمرتی ونم کا افتتاح کیا۔دونوں قائدین نے اسمرتی ونم میں نصب اٹل بہاری واجپائی کے 14 فٹ بلند کانسہ کے دیو ہیکل مجسمے کی نقاب کشائی کی اور انہیں بھرپور خراجِ عقیدت پیش کیا۔

چندرا بابو نائیڈو نے واجپائی کے ساتھ اپنے دیرینہ تعلقات کو یاد کرتے ہوئے کہا کہ ملک کی ترقی میں ان کا کردار ناقابلِ فراموش ہے۔انہوں نے کہا کہ یہ اسمرتی ونم امراوتی کی پہچان بنے گا اور آنے والی نسلوں کو اٹل جی کے نظریات سے روشناس کرائے گا۔اٹل جی کی خدمات ملک کے لئے ایک مثال ہے۔شیوراج سنگھ چوہان نے کہا کہ آج ملک واجپائی کے دکھائے ہوئے گڈ گورننس(بہترین حکمرانی) کے راستے پر گامزن ہے۔اس تقریب میں ریاستی وزراء، عوامی نمائندوں اور شہریوں کی بڑی تعداد نے شرکت کی اور ملک کے عظیم لیڈرکو یاد کیا۔عوام کی جانب سے بھی آندھراپردیش میں مختلف مقامات پر یوم پیدائش تقاریب منعقد کی گئی۔

ہندوستھان سماچار

ہندوستان سماچار / محمدعبدالخالق