نئی دہلی، 25 اکتوبر (ہ س)۔ پرو کبڈی لیگ (پی کے ایل) کا سیزن 12 تاریخ رقم کرنے کے لیے تیار ہے کیونکہ پہلی بار پلے -ان میچز کھیلے جائیں گے۔دہلی کے تھیاگراج انڈور اسٹیڈیم میں ہفتہ کو ہونے والے ان اہم مقابلوں میں چار ٹیمیں - ہریانہ اسٹیلرز، جے پور پنک پینتھرس، یو ممبا اور پٹنہ پائریٹس - میدان میں اتریں گی ، جہاں شکست کا مطلب ٹورنامنٹ سے باہر ہونا ہوگا۔

پہلا پلے -ان میچ ہریانہ اسٹیلرز اور جے پور پنک پینتھرس کے درمیان کھیلا جائے گا جبکہ دوسرا میچ یو ممبا اور پٹنہ پائریٹس کے درمیان ہوگا۔

پچھلے سیزن کی فاتح ٹیم ہریانہ اسٹیلرز کے کپتان جے دیپ دہیا نے میچ سے پہلے اپنے ارادوں کو واضح کرتے ہوئے کہا کہ یہ ”کرو یا مرو“ کا میچ ہے۔ اگر ہم توجہ دیتے ہیں تو ہمیں گھر واپس جانا پڑے گا۔ اس لیے ہمیں پوری توجہ کے ساتھ کھیلنے کی ضرورت ہے۔ ہم نے چنئی میں پانچ میچ ہارے، لیکن دہلی میں واپسی کی۔ اب ٹیم فارم میں واپس آ گئی ہے ۔ ہم ٹرافی کا دفاع کرنے آئے ہیں اور ہمارا ہدف ہے کہ فائنل دوبارہ جیتیں اور خطاب برقرار رکھیں۔“

جے پور پنک پینتھرس کے کپتان نتن راول نے سیزن کے اتار چڑھاو¿ کے بارے میں بات کرتے ہوئے کہا، ”ہم نے اچھی شروعات کی، لیکن نتن دھنکر کی چوٹ نے ہمیں نقصان پہنچایا۔ ہم نے کچھ قریبی میچ ہارے اورفارم کھو دی، ہم ٹاپ فور میں جگہ بنا سکتے تھے، لیکن ایسا نہیں ہوا۔ پھر بھی، ہم ٹاپ ایٹ میں ہیں اور ہمارے پاس ٹرافی جیتنے کا ابھی بھی موقع ہے۔“

انہوں نے اپنے کوچ نریندر ریڈو کی تعریف کرتے ہوئے کہا، ”ریڈوسر بہت ہی مختلف قسم کے کوچ ہیں۔ وہ ہمیشہ ہمیں حوصلہ دیتے ہیں اور ہر میچ میں اپنی بہترین کارکردگی کا مظاہرہ کرنے کے لیے کہتے ہیں۔ ان کے ساتھ کھیلنا ایک منفرد تجربہ ہے اور پوری ٹیم ایک جیسا جوش و جذبہ رکھتی ہے۔“

دوسرے پلے اِن میچ سے پہلے یو ممبا کے کپتان سنیل کمار نے کہا، ”گزشتہ لیگ میچ کا نتیجہ مایوس کن تھا کیونکہ ہم ٹاپ 4 میں جگہ حاصل کرنے میں ناکام رہے، لیکن اب بھی ایک موقع ہے اور ہم پلے- ان کے ذریعے پلے آف میں پہنچ سکتے ہیں۔ ہماری توجہ ہر میچ جیتنے پر ہوگی۔“

دریں اثنا، لگاتار پانچ جیت کے ساتھ پلے ان میں جگہ حاصل کرنے والی پٹنہ پائریٹس کے کپتان انکت جگلان نے، کہا،”ہمیں ہمیشہ اعتماد تھا اور مینجمنٹکی طرف سے مکمل تعاون حاصل تھا۔ کوچ نے یہ بھی کہا کہ ہمیں آخر تک لڑنا ہے۔ کھلاڑیوں نے آخری پانچ میچوں میں شاندار کارکردگی کا مظاہرہ کیا، اور اسی نے ہمیں یہاں تک پہنچایا۔ ہرمیچ اب بھی ہمارے لئے ’ڈو آر ڈائی‘ ہے اور ہم اسی فارم کو جاری رکھنا چاہتے ہیں۔“

ہندوستھان سماچار

ہندوستان سماچار / محمد شہزاد