گوہاٹی، 21 اکتوبر (ہ س)۔

آسام کے وزیر اعلی ہیمنت بسوا سرما نے منگل کو گلوکار زوبین گرگ کی موت کے بعد جاری احتجاج کے بارے میں سخت بیان دیا۔نامہ نگاروں سے بات کرتے ہوئے وزیر اعلیٰ نے کہا، ’اگر میں آج استعفیٰ دیتا ہوں تو 50 فیصد احتجاج فوری طور پر رک جائے گا، اور اگر گورو گوگوئی کو وزیر اعلیٰ بنایا جاتا ہے تو باقی 50 فیصد بھی ختم ہو جائیں گے۔‘ سرما نے کہا کہ موجودہ تحریک انصاف کے لیے نہیں بلکہ سیاسی فائدے کے لیے چلائی جا رہی ہے۔ انہوں نے کہا کہ یہ تحریک زوبین کو انصاف دلانے کے لیے نہیں ہے۔

وزیر اعلیٰ نے زوبین کے مداحوں پر بھی تبصرہ کرتے ہوئے کہا کہ ’زبین کے حقیقی پرستار وہ تھے جو ان کی زندگی میں ان سے محبت کرتے تھے، اب ایک نیا گروپ سامنے آیا ہے، جو پہلے ان پر تنقید کرتا تھا۔‘ انہوں نے سچے مداحوں سے اپیل کی کہ وہ صحیح مقاصد کے لیے آگے آئیں۔بکسا ضلع میں پرتشدد واقعات کے بارے میں بات کرتے ہوئے، سرما نے کہا کہ بہت سے مقامی نوجوان خوف کے مارے اپنے گھروں سے بھاگ گئے تھے۔ وزیر اعلیٰ نے انہیں یقین دلایا،’وہ واپس آجائیں، اگر وہ رضاکارانہ طور پر پولیس کے سامنے پیش ہو کر بیان دیتے ہیں تو حکومت کوئی کارروائی نہیں کرے گی۔‘

سرما نے الزام لگایا کہ کچھ میڈیا آو¿ٹ لیٹس نے بکسا میں ہونے والے واقعات کو بڑھا چڑھا کر پیش کیا جس سے غیر ضروری تناو¿ پیدا ہوا۔ انہوں نے کہا، ’کچھ خبر رساں اداروں نے مبالغہ آمیز رپورٹس شائع کیں، جس سے عوام مشتعل ہوگئے۔‘وزیر اعلیٰ نے ماحولیاتی افواہوں کی وضاحت کرتے ہوئے کہا کہ کوئی درخت نہیں کاٹا گیا، ہر درخت زندہ ہے، میں نے ذاتی طور پر زوبین کو یقین دلایا کہ درختوں کو نقصان نہیں پہنچے گا، گردش کرنے والی خبریں سراسر غلط ہیں۔وزیر اعلیٰ نے اعلان کیا کہ ریاستی حکومت زوبین گرگ کے نامکمل کام کو مکمل کرے گی۔ انہوں نے کہا، ’ہر اسمبلی حلقہ میں میوزک اسکول اور کالج قائم کیے جائیں گے، اور زوبین گرگ کا مجسمہ نصب کیا جائے گا۔‘

عدالتی عمل پر اعتماد کا اظہار کرتے ہوئے، سرما نے کہا، ’اگر حکومت غلطی کرتی ہے تو بھی عدلیہ نہیں کرے گی۔ ہائی کورٹ پہلے ہی تحقیقات کو اپنے ہاتھ میں لے چکی ہے اور پولیس کی رپورٹ جلد عدالت میں پیش کی جائے گی۔انہوں نے کہا کہ زوبین گرگ کی موت سے متعلق کیس کی سماعت فاسٹ ٹریک عدالت میں ہوگی۔ عوام سے تحمل برقرار رکھنے کی اپیل کرتے ہوئے وزیر اعلیٰ نے کہا کہ نظام انصاف پر بھروسہ کریں اور افواہوں سے دور رہیں۔

ہندوستھان سماچار

ہندوستان سماچار / Mohammad Khan