نئی دہلی، 17 اکتوبر (ہ س)۔ بھارتیہ جنتا پارٹی (بی جے پی) کے قومی جنرل سکریٹری ترون چُغ نے جمعہ کو بھگونت مان حکومت پر حملہ بولا۔ انہوں نے حکومت پر موہالی میں منڈی بورڈ کی 14 ایکڑ زمین 700 کروڑ روپے میں پی یو ڈی اے کو فروخت کرنے کا الزام لگایا۔ چغ نے کہا کہ لینڈ پولنگ کے ذریعے پنجاب کو فروخت کرنے کی ناکام کوشش کے بعد مان حکومت اب منڈی بورڈ کی زمین پر نظریں جمائے ہوئے ہے۔میڈیا سے بات کرتے ہوئے ترون چغ نے کہا کہ یہ زمین کسانوں کے لیے ایک جدید مارکیٹ بنانے کے مقصد کے لیے مختص کی گئی تھی، لیکن اب اسے پرائیویٹ ڈویلپرز کے حوالے کرنے کا منصوبہ بنایا جا رہا ہے۔ یہ پنجاب کے کسانوں اور تاجروں کے ساتھ کھلا دھوکہ ہے۔انہوں نے کہا کہ جن دکانداروں کو دکانیں الاٹ کی گئی تھیں اب ان کی واپسی کی جارہی ہے اور ان کی رقم محض 6 فیصد سود پر واپس کی جارہی ہے۔چغ نے کہا، کسانوں کے ساتھ یہ پہلا دھوکہ نہیں ہے - چاہے یہ قرض معافی کا جھوٹا وعدہ ہو یا ایم ایس پی ٹاپ اپ۔ چاہے وہ کسی نئی اسکیم کا پورا نہ ہونے والا وعدہ ہو یا مین میڈ سیلاب کی تباہی سے متاثرہ کسانوں کی بحالی میں کوتاہی، مان حکومت ہر محاذ پر ناکام رہی ہے۔چغ نے خبردار کیا کہ مان حکومت پنجاب کی ایک ایک ایکڑ نیلام کر رہی ہے۔ انہوں نے اس فیصلے کو فوری طور پر واپس لینے، زمین کے سودوں میں شفافیت اور وزیر اعلی بھگونت مان اور اروند کیجریوال سے جوابدہی کا مطالبہ کیا۔ہندوستھان سماچار

ہندوستان سماچار / عطاءاللہ