نئی دہلی ، 06 جنوری (ہ س)۔ سپریم کورٹ نے دہلی وقف بورڈ کے ایڈمنسٹریٹر کے طور پر دہلی حکومت کے ایک اہلکار کی تقرری کو چیلنج کرنے والی عرضی پر سماعت کرنے سے انکار کر دیا ہے۔ جسٹس ایم ایم سندریش کی صدارت والی بنچ نے عرضی گزار کے وکیل سے دہلی ہائی کورٹ سے رجوع ہونے کو کہا۔

درخواست ضمیر احمد جملانہ نے دائر کی تھی۔ عرضی میں دہلی کے لیفٹیننٹ گورنر وی کے سکسینہ کے دہلی حکومت کے چیف سکریٹری (ہوم) اشونی کمار کو دہلی وقف بورڈ کے ایڈمنسٹریٹر اور آئی اے ایس عظیم الحق کو دہلی وقف بورڈ کے سی ای او کے طور پر مقرر کرنے کے حکم پر روک لگانے کی درخواست کی گئی ہے۔ عرضی میں کہا گیا کہ دہلی وقف بورڈ کی میعاد 26 اگست 2023 کو مکمل ہوئی اور اس کے بعد کوئی بورڈ تشکیل نہیں دیا گیا۔ عرضی میں کہا گیا کہ لیفٹیننٹ گورنر نے ایڈمنسٹریٹر اور سی ای او کی تقرری کرکے دہلی وقف بورڈ کے تحت دیئے گئے اختیارات کا غلط استعمال کیا ہے۔

ہندوستھان سماچار

ہندوستان سماچار / Mohammad Khan