ڈویژنل کمشنر نے یوم جمہوریہ کے انتظامات کا جائزہ لیا

جموں، 3 جنوری (ہ س)۔ جموں کے ڈویژنل کمشنر رمیش کمار اور ایڈیشنل ڈائریکٹر جنرل پولیس آنند جین نے یوم جمہوریہ کی مرکزی تقریب کی تیاریوں کا جائزہ لینے کے لیے ایک اعلیٰ سطحی اجلاس کی صدارت کی۔ اجلاس میں آئی جی پی کرائم، ڈی جی یوتھ سروسز اینڈ اسپورٹس، پولیس کے سینئر افسران، اور مختلف محکموں جیسے ثقافت، سائنس و ٹیکنالوجی، صحت، کوآپریٹو، ٹریفک اور سیکورٹی کے سربراہان نے شرکت کی۔

اجلاس میں مختلف محکموں کی جانب سے پیش کیے جانے والے جھانکیوں کو حتمی شکل دینے پر تبادلہ خیال کیا گیا۔ ہر جھانکی سرکاری فلاحی اسکیموں اور اقدامات کی نمائندگی کرے گی، جنہیں عوامی بہبود کے لیے شروع کیا گیا ہے۔ڈویژنل کمشنر نے تمام محکموں کو ہدایت دی کہ وہ اپنے نوڈل افسران مقرر کریں جو انتظامات کی ہم آہنگی کو یقینی بنائیں۔ انہوں نے تمام جھانکیوں کی تھیمز اور تصور کو موثر طریقے سے پیش کرنے پر زور دیا۔

جموں و کشمیر پولیس اپنی جھانکی میں منشیات کے خلاف جاری مہم کو اجاگر کرے گی۔ صحت محکمہ ٹی بی مکت بھارت کے نفاذ میں اپنی کامیابیوں کو نمایاں کرے گا۔ ثقافتی محکمہ جموں و کشمیر کی ثقافتی تنوع اور لوک ثقافت کو پیش کرے گا۔ دیگر جھانکیوں میں پی ایم سوریہ گھر یوجنا، فِٹ انڈیا موومنٹ، سوچھ بھارت مشن، اور کوآپریٹو کریڈٹ سوسائٹیز شامل ہوں گی۔ ڈویژنل کمشنر نے تمام محکموں کو ہدایت دی کہ اپنی جھانکیاں 20 جنوری تک مکمل کریں اور قومی تہوار کے لیے تیاریوں کو بروقت مکمل کرنے کی ہدایت دی۔

ہندوستھان سماچار

---------------

ہندوستان سماچار / محمد اصغر