ممبئی، 5 جنوری (ہ س)شیو سینا (یو بی

ٹی) کے سربراہ ادھو ٹھاکرے کو اب ایک پرائیویٹ انڈسٹری گروپ کی جانب سے اضافی پرائیویٹ

سیکیورٹی فراہم کی گئی ہے۔

ٹھاکرے کی رہائش گاہ ماتوشری کی سیکیورٹی کو پچھلے سال کم کیا گیا تھا، جس کے

بعد ایک پرائیویٹ انڈسٹری گروپ نے ان کی حفاظت کے لیے سیکیورٹی فراہم کی۔

فی الحال، ادھو ٹھاکرے کو زیڈ لیول کی سیکیورٹی حاصل ہے، اور ممبئی پولیس ان

کی حفاظت کے لیے تعینات ہے۔ تاہم، اب انہیں پرائیویٹ سیکیورٹی بھی دی گئی ہے، جبکہ

ان کی رہائش گاہ پر پولیس سیکیورٹی بھی موجود ہے۔ ماتوشری پر پولیس کی موجودگی

پچھلے سال کم کر دی گئی تھی۔

ادھو ٹھاکرے کو آٹھ پرائیویٹ سیکیورٹی گارڈز فراہم کیے گئے ہیں۔ گزشتہ سال

ممبئی پولیس کنٹرول روم میں اطلاع دی گئی تھی کہ ادھو ٹھاکرے کے گھر کے قریب حملے

کی منصوبہ بندی کی جا رہی ہے، جس کے بعد ماتوشری پر سیکیورٹی بڑھا دی گئی تھی۔

ٹھاکرے کی زیڈ پلس سیکیورٹی 2023 میں کم کی گئی تھی، جس پر ان کے بیٹے اور

پارٹی کے نوجوان لیڈر آدتیہ ٹھاکرے نے مرکزی حکومت پر تنقید کی تھی۔ آدتیہ ٹھاکرے

نے مرکزی حکومت سے وضاحت طلب کی تھی، اور ممبئی پولیس نے وضاحت دیتے ہوئے کہا کہ

ٹھاکرے کی سیکیورٹی میں کمی نہیں کی گئی، تاہم ان کی پروٹوکول گاڑیوں کو ہٹا دیا

گیا تھا۔

شیو سینا (ایکناتھ شندے) کے رہنما اور وزیر بھرت گوگولے نے ادھو ٹھاکرے پر نجی

سیکیورٹی لینے پر تنقید کرتے ہوئے کہا کہ اگر 'ممبئی پولیس ٹھاکرے کی سیکورٹی کے لیے تعینات ہے، لیکن

پھر بھی، وہ پرائیویٹ سیکورٹی لیتے ہیں، اس کا مطلب ہے کہ انہیں ممبئی پولیس پر بھروسہ

نہیں ہے۔۔

ادھو ٹھاکرے کی اہلیہ رشمی ٹھاکرے اور ان کے بیٹے آدتیہ ٹھاکرے کو وائی پلس اسٹیٹس

سیکیورٹی حاصل ہے، جبکہ آدتیہ ٹھاکرے کے بھائی تیجس ٹھاکرے کو بھی اسی طرح کی

سیکیورٹی فراہم کی گئی ہے۔ ٹھاکرے خاندان کلا نگر، باندرہ ایسٹ میں رہتا ہے، جبکہ

ماتوشری بنگلہ سیاسی طور پر اہم مرکز بنا ہوا ہے۔

ہندوستھان

سماچار

ہندوستان سماچار / نثار احمد خان