بھوپال، 22 جنوری (ہ س)۔

خواتین و اطفال ترقیات وزیر نرملا بھوریا نے کہا کہ سائبر کرائم آج کے دور کا تازہ ترین اور خطرناک جرم بن گیا ہے۔ سائبر کرائم سے بچنے کا واحد طریقہ بیداری اور چوکسی ہے۔ کانفرنس میں نوجوانوں کو سائبر سیکورٹی ایمبیسیڈر کے طور پر کام کرنے کی تربیت دی جائے گی تاکہ سائبر بلینگ اور آن لائن جنسی جرائم جیسے سائبر خطرات کو روکا جا سکے۔ وہ بدھ کو سمنوے بھون، بھوپال میں نویں قومی سائبر سائیکالوجی کانفرنس کی ایک روزہ افتتاحی ورکشاپ سے خطاب کر رہی تھیں۔

انہوں نے کہا کہ مدھیہ پردیش ریاستی خواتین کمیشن اور رسپانسیبل نیٹزم آرگنائزیشن ممبئی کے مشترکہ زیر اہتمام منعقدہ ورکشاپ کا بنیادی مقصد نوجوانوں میں سائبر ویلنیس کے سلسلے میں بیداری محفوظ ڈیجیٹل منظر نامے کو فروغ دینا ہے۔ یہ ورکشاپ معاشرے کو سائبر کرائم سے محفوظ بنانے کی ایک اختراعی کوشش ہے۔

ممبئی کے ایتھیکل ہیکر اور سائبر سیکورٹی کے ماہر رضوان شیخ نے کہا کہ سائبر کرائم کے جال سے بچنے کا سب سے آسان حل احتیاط ہے۔ فی الحال اے آئی کے توسط سے ڈیپ فیکس جیسے جرائم زیادہ ہورہے ہیں۔ ورچوئل دنیا صرف ہیکنگ تک محدود نہیں ہے۔ یہ اس سے کہیں زیادہ گہری ہے۔

رسپانسیبل نیٹزم کے بانی سی اے او سونالی پاٹنکر نے کہا کہ فاونڈیشن کے ذریعہ مدھیہ پردیش کے 11 اضلاع کے 22 کالجوں سے پانچ ہزار سے زیادہ نوجوان لڑکیوں کو کامیابی کے ساتھ تعلیم دی گئی ہے۔ اس کا آغاز گزشتہ سال ’’سائبر سکھی‘‘ کے نام سے کیا گیا تھا۔

ہندوستھان سماچار

---------------

ہندوستان سماچار / انظر حسن