بیجنگ، 15 جنوری (ہ س)۔ سری لنکا کے صدر انورا کمارا دسانائیکے نے چین کے چار روزہ سرکاری دورے کے دوسرے دن آج یہاں چینی صدر شی جن پنگ سے ملاقات کی۔ دونوں رہنماؤں نے باہمی دلچسپی کے امور پر تبادلہ خیال کیا۔ دسانائیکے ایک اعلیٰ سطحی وفد کے ساتھ منگل کی صبح بیجنگ پہنچے۔
چین کی سرکاری خبر رساں ایجنسی ژنہوا نے شی جن پنگ اور دسانائیکے کے درمیان ہونے والی بات چیت کا مختصر احوال دیا ہے۔ رپورٹ میں گفتگو کی تفصیلات شیئر نہیں کی گئیں۔ سری لنکن حکام کا کہنا ہے کہ شی جن پنگ کے ساتھ بات چیت کے بعد اب دونوں فریقوں کے درمیان معاہدوں پر دستخط ہونے کی امید ہے۔
بیجنگ پہنچنے پر چین کے نائب وزیر خارجہ چن شیاؤڈونگ نےدسانائیکے کا استقبال کیا۔ مجھے اپنے ریاستی دورے کے دوران کمیونسٹ پارٹی آف چائنا کی تاریخ کی عکاسی کرنے والی ایک نمائش کا دورہ کرکے خوشی ہوئی، ڈسانائیکے نے آج ایکس پر لکھا۔ میں دعوت کے لیے صدر شی جن پنگ کا شکر گزار ہوں۔ اس دوران مجھے تاریخی پرنس کنگ پیلیس دیکھنے اور ماؤزے تنگ کی یادگار پر خراج عقیدت پیش کرنے کا خصوصی موقع ملا۔
ہندوستھان سماچار
ہندوستان سماچار / عبدالواحد
15 Jan 2025
