ممبئی ، 16 اپریل (ہ س) بی جے پی کے مرکزی وزیر پیوش گوئل، جو شمالی ممبئی لوک سبھا حلقہ سے الیکشن لڑ رہے ہیں اپنے حلقے کے کولیواڑا کے دورے کے دوران مچھلی کی بو برداشت نہیں کر پائے اور انھوں نے ناک پر رومال باندھنے پر کانگریس پارٹی نے ان پر تنقید کی ہے۔

بوریولی کے بابائی اور وزیرا گاؤں میں انتخابی مہم چلاتے ہوئے، پیوش گوئل مچھلی کی بو برداشت نہیں کر سکے اور ناک پر رومال رکھ کر مہم چلائی۔ لیکن ان کا یہ رویہ مقامی ماہی گیروں کے لیے توہین آمیز تھا۔ یہاں کے ماہی گیروں نے سوال کیا ہے کہ اگر وہ ہمارے مسائل کو جاننے کے بجائے ہماری مچھلی کی بو سے نفرت کرتے ہیں تو وہ انھیں ووٹ کیوں دیں۔

کانگریس کی طرف سے ان پر شدید تنقید کی گئی۔کانگریس کے ترجمان اور اسٹار پرچارک سچن ساونت نے گوئل کے خلاف تنقید کرتے ہوئے ووٹروں سے گوئل کو ہرانے کی اپیل کی ہے۔ ناک پر رومال باندھ کر گھومنے والا پیوش گوئل غریب عوام کا نمائندہ نہیں ہو سکتا۔ مہاوتی دھاراوی کے باشندوں کو بیرون ملک بھیجنے کا منصوبہ بنا رہی ہے۔ شاید اب ان کے ذہن میں اس گاوتھانے اور کولی بھائیوں کو بھی بیرون ملک بھیجنا ہے۔

گاوتھنا میں رہنے والے کولی بھائی ممبئی کے پہلے شہری ہیں۔ مچھلیاں ہماری ثقافت کا حصہ ہیں اور مچھلیاں ممبئی کی فوڈ کلچر کا حصہ ہیں۔ میڈیا سے بات کرتے ہوئے ساونت نے گوئل پر تنقید کرتے ہوئے کہا کہ شمالی ممبئی کے لوگ اس شخص کو سکھائے بغیر نہیں رہیں گے جو کچی آبادیوں سمیت میرے کولی بھائیوں سے نفرت کرتا ہے۔

کانگریس کے الزام پر بات کرتے ہوئے گوئل نے بالواسطہ طور پراس الزام کو قبول کیا کہ انہوں نے ناک پر رومال رکھا تھا۔ انھوں نے کہا کہ الزام لگانے کا ٹیکس نہیں لگتا گوئل نے کہا کہ مودی حکومت نے ماہی گیروں کی بہبود کے لیے بہت کچھ کیا ہے۔ ریاستی وزیر دیپک کیسرکر نے ان کی بھرپور حمایت کی۔ گوئل سبزی خور ہیں اس لیے یہ فطری بات ہے کہ وہ مچھلی کی بو برداشت نہیں کر سکے اور ناک پر رومال رکھا ہمیں یہ سمجھنا چاہیے۔ کیسرکر نے کہا کہ اس کا مطلب یہ نہیں ہے کہ وہ ماہی گیروں کے مسائل حل نہیں کریں گے۔

ہندوستان سماچار/ نثار/سلام