گنا، 28 نومبر (ہ س)۔ پولیس نے غیر قانونی منشیات مادوں کی اسمگلنگ کرتے ہوئے دو ملزمان کو پکڑا ہے۔ ان کی جب تلاشی لی گئی تو دو بوریوں میں 47 کلو ڈوڈا چورا پولیس کو ملا۔ اس کی قیمت تقریباً 2.5 لاکھ روپئے بتائی گئی ہے۔ ملزم ڈوڈا چورا سے بھرے بورے اپنے سر پر رکھ کر ندی کی طرف سے ہوتے ہوئے گنا آرہے تھے۔ پولیس نے مخبر کی اطلاع پر دونوں کو گرفتار کر لیا۔

ضلع میں نشے کے غیر قانونی کاروبار کے خلاف پولیس کے ذریعہ آپریشن شکنجہ چلایا جارہا ہے۔ اس کے تحت ضلع میں گنا پولیس کے ذریعہ نشہ مافیاؤں کے خلاف مسلسل کارروائیاں کرکے ان کے پورے نیٹ ورک کو ختم کیا جارہا ہے۔ اسی سلسلے میں مرگواس تھانہ پولیس کے ذریعہ غیر قانونی منشیات مادہ کے خلاف ایک اور بڑی کارروائی کرتے ہوئے 47 کلو 400 گرام غیر قانونی نشیلی اشیاء ڈوڈا چورا کی اسمگلنگ کرتے ہوئے دو اسمگلروں کو گرفتار کیا ہے۔ پولیس دونوں ملزمان سے پوچھ تاچھ کر رہی ہے۔

ہندوستھان سماچار//سلام