امپھال، 17 ستمبر (ہ س)۔

منی پور کے تھوبل ضلع میں ہیرک پولیس تھانے اور بارڈر سکیورٹی فورس (بی ایس ایف) کی 10ویں بٹالین کے جوانوں کی مشترکہ ٹیم نے کارروائی کرتے ہوئے اسلحہ اور گولہ بارود برآمد کیا ہے۔ منی پور پولیس نے جمعرات کو یہ اطلاع دی۔

پولیس کے مطابق مشترکہ ٹیم نے ہیرک پارٹ-III کے اویوک چنگ مامانگ علاقے میں تلاشی مہم چلائی۔ اس دوران ایک ڈبل بیرل بریچ لوڈنگ (ڈی بی بی ایل) بندوق، میگزین کے ساتھ ایک دیسی رائفل اور 5.56 ایم ایم کے 20 زندہ کارتوس برآمد کیے گئے۔

پولیس نے برآمد شدہ اسلحہ اور گولہ بارود کے ذرائع کا پتہ لگانے کے لیے تحقیقات شروع کردی ہیں۔ معاملے میں مزید کارروائی جاری ہے۔

ہندوستھان سماچار

ہندوستان سماچار / عطاءاللہ