بیتیا،22 اگست(ہ س)۔مغربی چمپارن ضلع کے لوریہ تھانہ علاقہ کے بسواریہ پرو ٹولہ پنچایت کے بنکٹوا مڈل اسکول کے قریب جمعہ کی رات تقریباً 11 بجے ایک خوفناک سڑک حادثہ پیش آیا۔ چھتیار تقریبات کے دوران سڑک کنارے منعقدہ آرکسٹرا دیکھ رہے لوگوں کو ایک بس نے کچل دیا۔ حادثے میں پانچ افراد کی موت ہوگئی جب کہ تقریباً ایک درجن لوگ زخمی ہوگئے۔ زخمیوں میں سے کئی کی حالت تشویشناک بتائی جاتی ہے۔

مرنے والوں میں چنگور رام (70 سال)، بنکٹوا،بہادر مہتو (45 سال)، بسواریہ،سنجے کمار (28 سال)، بسواریہ،راکیش کمار دوبے (35 سال)، بنکٹوا اور دیویندر دوبے (35 سال)، بنکٹوا کے نام شامل ہیں۔ جبکہ زخمیوں میں شیام بابو کمار (16 سال)، بنکٹوا/بسوریہ،اجیت کمار (18 سال)، بنکٹوا/بسوریہ،موچن مہتو (50 سال)، بنکٹوا/بسوریہ،نریش رام (40 سال)، بنکٹوا/بسوریہ شامل ہیں ۔ تمام زخمی بنکٹوا اور بسواریہ گاؤں کے رہنے والے ہیں۔

حادثہ جمعہ کی رات تقریباً 11 بجے پیش آیا۔ گورکھپور سے بیتیا آنے والی شاہی ٹریول کی بس بے قابو ہوگئی اور سڑک کے کنارے آرکسٹرا دیکھ رہے لوگوں پر چڑھ گئی۔ حادثے کے بعد بڑے پیمانے پر کہرام مچ گیا۔واقعے کے بعد علاقے میں غم کی فضا چھا گئی۔ انتظامیہ کی جانب سے مرنے والے اور زخمیوں کی تعداد کے حوالے سے تفصیلی معلومات کا انتظار ہے۔

ہندوستھان سماچار

ہندوستان سماچار / Mohammad Afzal Hassan