لکھنو، 02 اگست (ہ س)۔

اتر پردیش کے نائب وزیر اعلیٰ کیشو پرساد موریہ نے اتوار کو کہا کہ اس بار اسمبلی کا اجلاس انتہائی اہم ہے۔ اس اجلاس میں قانون سازی کے ساتھ ضمنی بجٹ بھی پیش کیا جائے گا۔

صحافیوں سے گفتگو کرتے ہوئے انہوں نے کہا کہ ہم اپوزیشن سے چاہتے ہیں کہ وہ اپنے تمام مسائل ایوان کے اندر اٹھائے۔ حکومت ان کا جواب دینے کے لیے پوری طرح تیار ہے۔ انہوں نے کہا کہ بحث بامعنی ہونی چاہیے اور وقت ضائع نہیں ہونا چاہیے۔

موریہ نے کہا کہ اسمبلی اجلاس کا تمام ارکان کو انتظار رہتا ہے اور ریاست کے عوام بھی اس کے منتظر رہتے ہیں۔ یہ اجلاس ریاست کے عوام کی زندگی کو خوشحال بنانے کے مقصد سے منعقد کیا جا رہا ہے۔

انہوں نے الزام لگایا کہ راہل گاندھی اور انڈیا اتحاد، خصوصاً سماج وادی پارٹی، خواتین کے ریزرویشن کی مخالف ہے۔ انہوں نے کہا کہ ان لوگوں نے طلبہ کی تحریک کی آڑ میں حکومت کو نشانہ بنانے کی کوشش کی ہے۔ انہوں نے رکن پارلیمنٹ پپو یادو کے عمل کو انتہائی قابل مذمت قرار دیتے ہوئے کہا کہ سنتوں اور رام بھکتوں کی توہین کسی صورت برداشت نہیں کی جا سکتی۔ انہوں نے دعویٰ کیا کہ اس واقعے کی حمایت کر کے اپوزیشن نے سماج کے جذبات کو مجروح کیا ہے اور اس کی بھاری سیاسی قیمت چکانی پڑے گی۔

ہندوستھان سماچار

ہندوستان سماچار / عطاءاللہ